עונג @ שבת, נומ' 32

[נועם סטאריק]

עונג @ שבת, נומ' 32 ../images/Emo148.gif

14.3.2003 __________ קוקט מיר נישט אָן קרום אָבער פּורים מאַכט מיר שלעכט. איך האָב נישט ליב דעם יום-טובֿ, דאָס שיכּורײַ און גיוואַלדעווערײ עקלט מיר מער פֿון אַלץ. פֿאַרשטײט זיך אַז איך רעד וועגן דעם פּורים בײ די הײנטיקע פֿרומע קרײזן ווי איך האָב זיך דערצויגן. דער "וועלטלעכער" פּורים אָדער דער נישט-אָרטאָדאָקסישער איז מיר נישט קלאָר צו פֿאַרשטײן. אַזוי בין איך געבליבן אויסגעשפּיגן פֿון אַלע זײַטן

אפֿשר וועגן דעם האָב איך די וואָך אַרײַנגעשטעלט אין דעם עונג @ שבת אַן ערנסטן באַרימטן פּאָעט – אַהרן צײטלין. איר וועט קענען לײענען די לעצטע ליד ווי אַ פּורים-ליד, אָבער איך בין מסופּק צי דאָס איז געווען דער פּאָעטס כּוונה. אַ גוטן שבת און אַ פֿרײלעכן פּורים (זאָל זײַן)

 

[נועם סטאריק]

עיקר שכחתי:

עונג @ שבת, נומ' 32. תודה ל-kashke שהעירה לי על כך.

 

[moshe0410]

a gutn shabes

צייטלין שרייבט: "נו, ש'איז שוין שפעט. דער זייגער איז שוין איבערמארגן..." טאקע שפעט. נעכטן, איך מיין 45 יאר צוריק, האב איך געלערענט יידיש אין "שלום עליכם" קינדער-גארטן. נעכטן... נו, שוין שפעט. שבת!

 

[moshe0410]

a gutn shabes 2

מייןערשטער קינדער גארטן, אין א ווייטן גלות... SHOLEM ALEIJEM SHULE_photo

 

[נועם סטאריק]

ס'זעט אויס א שלאס, נישט קיין

קינדער-גארטן. ס'איז גוט זיך צו דערמאנען אין די קינדער-יארן. וואס איז היינט צו טאג מיטן בנין? זי שטייט נאך אויפן ארט?

 

[moshe0410]

דער זעלבער בנין...

די זעלבע גאס... די זעלבע ביימער. אנדערע קינדער, די לערערקע... ס'איז געווען אמאל א ליטווישע לערערקע.

 

[אַפּיקורס]

א דאנק!

איך האב שטארק הנאה געהאט פון די װאכעדיקע עונג שבת. צװײ הערות נאר׃ 1. האסט גביטן די פאנטן און דער אױסלײג און די אלטע זענען מיר בעסער געפאלן 2. גיסט שױן מער נישט א פירוש המילות פאר די שװערערע װערטער.

 

[נועם סטאריק]

אַ דאַנק דיר און אַלעמען. הערות:

ערשטנס, אַ דאַנק פֿאַר דײַנע וואַרעמע ווערטער. וועגן דײַנע הערות, וועל איך דיר אַזוי זאָגן: 1. איך בײַט פֿון מאָל צו מאָל די פֿאָנטן כּדי אויסצופּרוּבירן וואָס איז דאָס בעסטע פֿאַרן עונג @ שבת. איך וועל דאַרפֿן נעמען אין באַטראַכט חוות-דעת, אָן צוזאָגנדיק גאָרנישט. אין דער אמתן, האָב איך נישט געענדערט די פֿאָנט, איך האָב נאָר צאַמגעשטופּט די בוכשטאַבן. 2. איך האָב אויפֿגעערט מיט דער מלאכת איבערזעצן, װײַל דאָס האָט מיר גענומען זײַער אַ סך צײַט. איך האָב געװאָלט עס זאָל זײַן הונדערט פּראָצענטיק און דאָס מײַנט – איבערקוקן יעדעס וואָרט אין ווערטעביכער. װען איך וואָלט געזען פּרנסה פֿון די גליונות וואָלט איך אפֿשר געקענט אַרײַנלײגן מער צײַט, אָבער עס איז דאָך אַ פֿרײַוויליקע קולטורעלע אַרבעט, און איך האָב נישט קײן צײַט דאָס צו מאַכן אויפֿן בעסטן אויפֿן. פֿאָרט וועל איך אַרײַנשטעקן מער צײַט אין איבערזעצונגען פֿון "שווערע ווערטער".

 

[יואלישל]

ווענדט זיך ווען און וויאזוי

שיכוריי און טומלעריי איז נישט שלעכט פאר איינמאל אין יאר. לאז דעם עולם אביסל פארגעסן פון דער גאנצער וועלט און שפירן ווי מען שוועבט אין דער לופטן, ערגעץ-וואו אין בלויען לאנד וואו אלץ איז גוט און זיס. די איינציקע וואס דערגייען מיר אביסל צו די נערוון, זענען די קודשא-ברוך-הוא-ושכינתיה שיכורים, וועלכע באפאלן יעדן אין גאס בעטן א ברכה אויף יראת שמים, און אין א גוטער מינוט שטעלן זיי זיך אפ שרייען, "איך מיין גארנישט, כ'וויל גארנישט נאר אז ס'זאל שוין זיין יתגדל ויתקדש שמיה רבה..." זאלן די אלע יראת-שמים זוכער/יתגדל-ויתקדש שרייער מיר מוחל זיין. אבער דאס איז א מדריגה צו וועלכער באמת-גרויסע מענטשן האבן זיך נישט דערלאנגט. זיי טראגן זיך א גאנץ יאר ארום מיט אמביציעס צו געבן אזא איינדרוק ביי אנדערע. דערפאר דערלויבן זיי זיך שיכורערהייט צו טאן מער משונה'דיקע זאכן לכבוד דעם. זאלן זיי נאר טרינקען אביסל מער, וועלן זיי רעדן גאר אנדערע זאכן...

 

[dovid]

זייער שיין, דער עונג שבת!