POVERETA MUCHACHIKA
Povereta muchachika deke sufres del amor Deke sufres en kadenas en esta eskura prizion Ven te kontare mi estoria lo ke vengo a sufrir Por un manseviko ermozo ke me izo tresalir Tiene mostachiko preto i los ojos tiene mavis Su kuerpo parese kuadro lavrado en el yaldiz Antes tres kuatro mezes no se maneava de mi De ke vino la hevronlika no se manea mas de ayi Asentada em mi ventada lavarando el bastidor Haberiko me trusheron ke el mi amor se despozo Mama mia la mi kerida kualo ke rijga yo Mireme este remedio antes ke me muera yo Ija mia la mi kerida kualo ke te rijga yo Vistite de un manseviko vate al balo del tu amor Takum preto me visti un mansevo me ize yo Me armi kuchiyo al lado me fui al balo del mi amor Asuviendo de la skalera al mi amor vide yo Ken es este lindo mansevo trayemelo a mi lado En medio de la nochada a su espoza engaji yo Le enfinki kuchiyo al lado al punto kayo i murio O kruel manseviko no tuvites piada Yo te metere en kadenas kinze anyos en prizion Me topi en ora pretas el chapeo echi en basho Me strensi los mis trensados me amostri ken era yo Mi amor kuando lo vido lagrimas le saltaron Por el Dio ke no savia ke este karar kema la amor Ke el amor es alfinete ke kavaka el korason Del korason abasha al bofe de ayi no ay eskapasion
