tsiporganeden
New member
שבת שלום אה טודוס אקי אסטו אמיגוס
אן אל "מזגן" סאלי אה אצ'אר אגואה אה לאס פלורס, סה סקארון מונצ'אס, כפרה פור מי אי מה אינייטיזיקו קה סיאמה "עמרי" סי אסטו אס אל פרסיו קה פאגי פארא אסטאר דוס סמאנאס קון אל. ווס וא אה קונטאר און פוקו קאדה דיאה קומו פאסי לה אורה: בואנו אל פרימר דיאה וינה מוי טאדרה, אביה מאס דה אונה אורה דה "דחייה בטיסה" נו סה דקה, אנסינה קה לה פאמיה אסטאבה אצ'אדה, אה לה דמאניאנה, אסטו סינטיינדו, און בבה קה אסטה ימאנדו "בה, בה, מה" מה וינו קוריוזו, קן אסטה אבלאנדו דה מאדרוגאדה, סולו אן סו קאמה, יו סה בבס קה יוראן קואנדו סה דספיירטאן, אמה אקי אסטה ג'וגאנדו דה אל פארא אל, אנטרי אה לה קאמארטה, אי אסיגון מה וידו, סה אלבאנטו אי אמפסו אה סאלטאר דה לה אלגריה, יו פנסי דה מי פארא מי, קריאטוראס יוראן קואנדו ון ג'נטה אג'נה, לו טומי אנבראסוס, אי לו בזי טאנטו מונצ'ו קה קדי סין סולוק, אח קה דולסה, בואנו אסטו טודו פאסו פין קה וינו לה מאדרה, אמפרימרו לו טומו דה מיס מאנוס, מה בזו אי מה דישו בואנה וינידה, אי דספואס מה דישו, קה אייה נו דשה בזאר אה סו איז'ו אי טאמיין נו טומאלדו דה לה קאמה, סיגורו קה נו דישה נאדה, יו סוי באסטאנטה אינטליג'נטה פארא בזארלו קואנדו איה נו מה וא אה וור, סי מה רומפיה נו לו איוה אה וור מאס, אי פארא קואלו וינה? אל בבה אסטה מוי קאריניוזו, אלגריוזו, אי לה אגראדה ג'נטה, לאס מאנסבאס דה אוי קה "חוצפה" טיינן, נו דשאר אה לה גראממה אה בזאר אה סו אינייטו? אה לה אוטרה ווס ווס וה אה קונטאר קומו לו בזאבה, לו אסטאמפאוה, אי ג'וגאבה קון אל בבה סין קה לה מאדרה וייגה. פור לה אורה שבת שלום אה טודוס.
אן אל "מזגן" סאלי אה אצ'אר אגואה אה לאס פלורס, סה סקארון מונצ'אס, כפרה פור מי אי מה אינייטיזיקו קה סיאמה "עמרי" סי אסטו אס אל פרסיו קה פאגי פארא אסטאר דוס סמאנאס קון אל. ווס וא אה קונטאר און פוקו קאדה דיאה קומו פאסי לה אורה: בואנו אל פרימר דיאה וינה מוי טאדרה, אביה מאס דה אונה אורה דה "דחייה בטיסה" נו סה דקה, אנסינה קה לה פאמיה אסטאבה אצ'אדה, אה לה דמאניאנה, אסטו סינטיינדו, און בבה קה אסטה ימאנדו "בה, בה, מה" מה וינו קוריוזו, קן אסטה אבלאנדו דה מאדרוגאדה, סולו אן סו קאמה, יו סה בבס קה יוראן קואנדו סה דספיירטאן, אמה אקי אסטה ג'וגאנדו דה אל פארא אל, אנטרי אה לה קאמארטה, אי אסיגון מה וידו, סה אלבאנטו אי אמפסו אה סאלטאר דה לה אלגריה, יו פנסי דה מי פארא מי, קריאטוראס יוראן קואנדו ון ג'נטה אג'נה, לו טומי אנבראסוס, אי לו בזי טאנטו מונצ'ו קה קדי סין סולוק, אח קה דולסה, בואנו אסטו טודו פאסו פין קה וינו לה מאדרה, אמפרימרו לו טומו דה מיס מאנוס, מה בזו אי מה דישו בואנה וינידה, אי דספואס מה דישו, קה אייה נו דשה בזאר אה סו איז'ו אי טאמיין נו טומאלדו דה לה קאמה, סיגורו קה נו דישה נאדה, יו סוי באסטאנטה אינטליג'נטה פארא בזארלו קואנדו איה נו מה וא אה וור, סי מה רומפיה נו לו איוה אה וור מאס, אי פארא קואלו וינה? אל בבה אסטה מוי קאריניוזו, אלגריוזו, אי לה אגראדה ג'נטה, לאס מאנסבאס דה אוי קה "חוצפה" טיינן, נו דשאר אה לה גראממה אה בזאר אה סו אינייטו? אה לה אוטרה ווס ווס וה אה קונטאר קומו לו בזאבה, לו אסטאמפאוה, אי ג'וגאבה קון אל בבה סין קה לה מאדרה וייגה. פור לה אורה שבת שלום אה טודוס.
