עפעס פארפאסט?

[יואלישל]

עפעס פארפאסט?

כהאב נישט געקענט באזוכן דעם פארום די לעצטע עטלעכע טעג. וואס האט זיך דא אפגעשפילט? כהאב עפעס פארפאסט?

 

[דער משכיל]

האסט פארפאסט אסאך

ווי ביסטי נעלם געווארן ? פארצייל עפעס גיט , מאמין בהסיפור של הדג-המדבר בניו-יורק ?

 

[יואלישל]

שינוי סדרי בראשית!

"דער משכיל" האט אנגעהויבן רעדן אידיש! באלד אזא נס ווי דער פלאפעלנדיקער פיש פון ניו סקווירא. (כהאב געוואלט זאגן, "באלד אזא נס ווי ביים ויפתח ה' את פי האתון". נאר צו וואס זיך קריגן?...) אויף דיין פראגע צי כגלויב די געשיכטע מיטן פיש וועל איך נישט ענטפערן, סיידן דו וועסט זי איבערפרעגן אויף אידיש... אדיע!!!

 

[מוזר]

האט ער געטראגען שטיוועל?

אדער נאר די פישכאפער. וואס האט ער געזאגט (קלאמפעריש) און צו וועמען? יאנקעל מיללער האט אנגעקלינגען די פיש געשעפט הלו איהר האט סלמון? יא זיכער קען איך רעדען מיט עם? ס'דא איינער וואס גלויבט עס אויסער די פאר נארישער בארא פארקער ווייבער וואס גלויבען אין אלע באבות און די שווארציאהר ווייס וואס נאך? אויף וועלכע שפראך איז "אדיע"?

 

[יואלישל]

גיי ווייס

איבער דער געשיכטע זענען פאראן מער ווערסיעס ווי סעקונדן עס זענען דורכגעלאפן זינט די געשיכטע האט זיך געזאלט אפשפילן. פאראן מענטשן וואס גלויבן דערין, אבער די מאיאריטעט נעמט אויף די מעשה מיט א שמייכל. ווייבער בדרך כלל רעאגירן צו דער געשיכטע מיט פרומער התפעלות, און נעמען זיך אונטער תשובה צו טאן אויף אלע לשון הרע'ס וואס מען האט צוזאמגערעדט זינט דעם פאריקן אומגליק... "אדיע" מיינט עפעס ווי "זיי געזונט", אדער "אויף ווידערזען". דאס ווארט שטאמט פון פראנצויזיש, אבער ווערט געניצט אין מערערע שפראכן, אריינגערעכנט אידיש.

 

[מוזר]

וואס זאגסט דו

"פרומער " התפעלות און נישט ווייבערשער? ס'געפכלט מיר נישט. אבער אז זיי וועלען אביסאלע ווינציגער צ'אמפלוידערען וועט גארנישט שאטען. די גראבע לשון הרע'ס וועט מען סיי ווי נישט קענען פארציכטען, האב נישט קיין מורא. אדיע איז אויך אויף שפאניש אבער איך האב נאךנישט געהערט איינער זאל עס נוצען אין יידיש.. וואס איז שלעכט אויף ווידערזעהן צו א גוטען?

 

[יואלישל]

קענסט דעם אויסדרוק געפינען

אין אידישע ביכער (פון דעם סארט וועלכע שימלען היינט אין די ביבליאטעקן...). אויף ווידערזען איז נישט שלעכט - "אדיע" מיט בלויז פיר בוכשטאבן איז לייכטער צו שרייבן.

 

[מוזר]

נישט קיין סאך, קענסט אליין זעהן

די ערשטע בלאט האט כמעט ווי נישט געביטען..

 

[נועם סטאריק]

דער מאראנץ איז ליידער אויסגעקוועטשט

איך האלט שוין ביים פארלירן דעם געדולד פון דעם "תפוז". די לעצטע וואכן זיינען דא פיל פראבלעמען אריינצוגיין אין דער אדמיניסטראציעע-אפאראט.

 

[מוזר]

צופיקטער מאראנץ! ביי מיר האלט עס

אין איין פרעגען צו איך וויל זייערע macromedia player. נעכצעס!

 

[יואלישל]

יעדע גוטע זאך קומט אן שווער...

 

[יואלישל]

שוין איינמאל פארפאסט!

ווי איך זע, האט זיך אינדערצווישן אנטוויקלט א דיסקוסיע איבער א פארשלאג פון שלום בערגער וועגן גרינדן אידיש-רעדנדע געגנטער. א שאד כבין נישט געווען דא אויף דער הייסער מינוט ווען דער שמועס איז פארגעקומען. יעצט איז ער שוין מסתמא אביסל אפגעוועבט. אבער כקען זיך נישט איינהאלטן פון הויך אויסשרייען מיין שטיצע פאר שלום בערגער און זיין פארשלאג. שלום: כגיב דיר א שטייענדער אפלאדיסמענט!

 

[מוזר]

שוואכע מעשות.. ס'האט געהאט

פאטענציאל צו ווערען א דיסקוסיע אבער די פונק האט זיך צו פרי פארלאשען..