טריאנדפילו
New member
מצה אי מצה דה ב'ינו
אייר מחואה קון לוס דוס מיס גראנדיס ארמנוס א לפ'בריקה דה מאסה קון אונה םיב'אנה לימפיה אי גראנדה פארה תראייר לה מסה קה מי פאדרה קומנדו אי לה פאגו. לה פ'אבריקה דה לה מסה סה תופה א לה קיושה דה מואסתרה קאלז'ה אל לאדו דה לה פ'אבריקה דה שוקולאתה "פ'לוקה". אל אניו קה פאסו מקירייה איר אמה מי מדרה נו מפרמתיו. "סוס צ'יקו איינדה" מדישו אי קומו קה נו תנייאה רמדיו יורי און פוקו אי מקדי אן קאזה אספראנדו קה ב'ינגאן לוס ארמאנוס פארה גוסתאר לסאב'ור דה לה מואב'ה אי פ'ריסקה מאסה. אונגאניו יא סה גראנדה אי תנגו לה פרמסיון דה אקומפאניאר מיס ארמאנוס. פור לה פרימה ב'יס קה אסתוב'ה איי ארה תודו מואב'ו אי אנתרסאדו פארה מי. על א אנתראדה דישימוס אל נומברה דה לה פ'אמיה אי מוס תומארון לה סאב'אנה אי מוס לה אינצ'רון קון מאסה. פדאסוס גראנדיס אי רדונדוס, פ'ריסקוס אי קון בואן ב'ואסמו קה תראיה לה גאנה דה תומר און פדאסו אי קומרלו אל פונתו. אי מוס דיירון אותרו און פאקיתו קון מאסה דה ב'ינו אי מאסה דה, נו סה סי ארה דה ב'ואבוס או דה אסוקאר, אסתאס קה סה קומין אלוגאר דה ביסקויתיס. מיס ארמאנוס אפ'ירארון לה סאב'אנה קאדה אונו דוס פונתאס דה קאדה פארתה אי יו, קומו "אפ'נדי", קאמינו אתראס דה איוס קון גראנדה אלגריה אי סאתיספ'יקאסיון. יה סה גראנדה באסתאנתה פארה איר א לה פ'אבריקה דה לה מאסה! א מאניאנה תנמוס דה אסוב'יר ד'אל דפויו לוס צ'יניס אי תנג'יריס פאסקואל קה אסתאן אן אסתה גראנדה סייסתו קה נו סה פואדה מאניאר דה לה פסגאדורה. אנסינה קה דב'ימוס דה תראייר אונה גראנדה פארתה א פוקו פוקו אסתה קה סה לב'יאנה אל סייסתו באסתאנתה פארה אלב'אנתרלו אן אונה דוס גראנדס. יו תומו קוזאס א אונו אונו אי מאמה נו מדשה תומאר צ'יניס אי אותראס קוזאס קה סיפודאן רומפר, איינדה סה צ'יקו מה סי קיירה אל דיו אל אותרו אניו ב'ו אסיר גראנדה. סיגורו. אסתו נו אקונתסיו אל פריזנתו, פאסארון ססנתה אי סינקו אניוס ד'אסתונסיס. יא מאנגראנדסי (מוצ'ו) אמה נו תוב'ה לה אוקזיון דה קאריאר לוס צ'יניס דה אבאשו אי אפילו לה מאסה נו תוב'ה אל מאזל תראייר דה לה פ'אבריקה. לה פ'אבריקה דה לה מאסה נו אקזיסתה מאס אי לקהילה... אונדה אסתה לה קהילה דה סאלוניק? אפילו לוס קה קדארון סה דספארתיירון אונו אקי אי אותרו איי אן אל מונדו אנתירו. פארה לוס סאלוניקליס אי תודו ישראל סאלו אי אלגריאס. חג שמח
אייר מחואה קון לוס דוס מיס גראנדיס ארמנוס א לפ'בריקה דה מאסה קון אונה םיב'אנה לימפיה אי גראנדה פארה תראייר לה מסה קה מי פאדרה קומנדו אי לה פאגו. לה פ'אבריקה דה לה מסה סה תופה א לה קיושה דה מואסתרה קאלז'ה אל לאדו דה לה פ'אבריקה דה שוקולאתה "פ'לוקה". אל אניו קה פאסו מקירייה איר אמה מי מדרה נו מפרמתיו. "סוס צ'יקו איינדה" מדישו אי קומו קה נו תנייאה רמדיו יורי און פוקו אי מקדי אן קאזה אספראנדו קה ב'ינגאן לוס ארמאנוס פארה גוסתאר לסאב'ור דה לה מואב'ה אי פ'ריסקה מאסה. אונגאניו יא סה גראנדה אי תנגו לה פרמסיון דה אקומפאניאר מיס ארמאנוס. פור לה פרימה ב'יס קה אסתוב'ה איי ארה תודו מואב'ו אי אנתרסאדו פארה מי. על א אנתראדה דישימוס אל נומברה דה לה פ'אמיה אי מוס תומארון לה סאב'אנה אי מוס לה אינצ'רון קון מאסה. פדאסוס גראנדיס אי רדונדוס, פ'ריסקוס אי קון בואן ב'ואסמו קה תראיה לה גאנה דה תומר און פדאסו אי קומרלו אל פונתו. אי מוס דיירון אותרו און פאקיתו קון מאסה דה ב'ינו אי מאסה דה, נו סה סי ארה דה ב'ואבוס או דה אסוקאר, אסתאס קה סה קומין אלוגאר דה ביסקויתיס. מיס ארמאנוס אפ'ירארון לה סאב'אנה קאדה אונו דוס פונתאס דה קאדה פארתה אי יו, קומו "אפ'נדי", קאמינו אתראס דה איוס קון גראנדה אלגריה אי סאתיספ'יקאסיון. יה סה גראנדה באסתאנתה פארה איר א לה פ'אבריקה דה לה מאסה! א מאניאנה תנמוס דה אסוב'יר ד'אל דפויו לוס צ'יניס אי תנג'יריס פאסקואל קה אסתאן אן אסתה גראנדה סייסתו קה נו סה פואדה מאניאר דה לה פסגאדורה. אנסינה קה דב'ימוס דה תראייר אונה גראנדה פארתה א פוקו פוקו אסתה קה סה לב'יאנה אל סייסתו באסתאנתה פארה אלב'אנתרלו אן אונה דוס גראנדס. יו תומו קוזאס א אונו אונו אי מאמה נו מדשה תומאר צ'יניס אי אותראס קוזאס קה סיפודאן רומפר, איינדה סה צ'יקו מה סי קיירה אל דיו אל אותרו אניו ב'ו אסיר גראנדה. סיגורו. אסתו נו אקונתסיו אל פריזנתו, פאסארון ססנתה אי סינקו אניוס ד'אסתונסיס. יא מאנגראנדסי (מוצ'ו) אמה נו תוב'ה לה אוקזיון דה קאריאר לוס צ'יניס דה אבאשו אי אפילו לה מאסה נו תוב'ה אל מאזל תראייר דה לה פ'אבריקה. לה פ'אבריקה דה לה מאסה נו אקזיסתה מאס אי לקהילה... אונדה אסתה לה קהילה דה סאלוניק? אפילו לוס קה קדארון סה דספארתיירון אונו אקי אי אותרו איי אן אל מונדו אנתירו. פארה לוס סאלוניקליס אי תודו ישראל סאלו אי אלגריאס. חג שמח
