טריאנדפילו
New member
מעשי ניסים.
תנגו אונה ב'וארתה צ'יקה קה ללאב'ורו איודאנדומה קון דיפ'רנתס אלאתס מא למאס פרפ'רדה אס אונה צ'אפה (מעדר)קה סין אייה נו פואדו אזר נאדה. קון אייה קב'אקו לתיירה אי אראנקו לאס ירב'אס כמו דיזימוס " למאנה דרצ'ה". אנתס קואנתוס דיאס לב'ורי קון לצ'אפה אי דספואס לאמתי אסולוגר קומו אוזו סיימפרה. דום תרס דיאס מאס תאדרה מפ'ואי אתומארלה דמואב'ו פארה לב'וראר און פוקו אי, המן המן, נו לאתופי. נו פואדה סר דישה דמי אנתרה מי, לאולתימה ב'יס לאתורני אסולוגאר, דב'ה אסתאר אקי. יו קה קון אוז'וס סראדוס אצ'ו למאנה אי לאתומו דסו לוגאר קומו נו לאתופו אוי? מאניירב'י אי מאראב'יי אי מחואה אבושקארלה. פאסי אן קאדה לוגאר קה לאב'ורי לוס אולתימוס דיאס אי נו סתופו. פאסי אותרה ב'יס דה אקי איי אי דאיי אקי אי לצ'פה נו סתופה, סלאנגלותו לתיירה! מדיו מוצ'ו סאר למאנקירה דה לאקרידה צ'אפה מה נו תנייה רמדיו אי תומי אונה אותרה. קה בלה, אסתה צ'אפה נו סאב'ה אל לאב'ורו אי אס פסגאדה אמה קה קאגה? מספדריו לפרפראדה צ'אפה אי קין סאב'ה אן קה מאנוס סקאיו לה דשמישאדה. אי יו? קה פ'וקארה דב'ו לאב'ורר קון אונה צ'אפה חאראגאנה. דה ב'יס אן ב'יס דב'ו דה מיראר סי אל קונפיותר דה ארגאר אסתה אן רגלה, פורקה סופיתו סאלתריא אי נו אב'רה לאב'ואה או נו לאסרה אל תיאמפו. אייר דמאניאנה מאסרקי אל קומפיותר אי קיין קה ב'יא איי סי נו לה מיקארה צ'אפיקה? בוקר טוב לדישו, אנסינה סאזה? פאסי אלאדו דה תי תאנתאס ב'זס אי דישיתס נאדה אי אפילו אלגון סיניאל צ'יקו נו אזיתס פארה קה ב'יאה? לה תומי אן מימאנו קון אלגריה גראנדה אי סי נו מאב'רב'ונסאבה קה נו ב'יארן ג'נתה לפודיה בזאר. לו אקונתסיו אס קה אל פאלו דלאצ'אפה סה סקו און פוקו אי נו דתניה בואנו אי לו מתי אל לאדו דאל קומפיותר אונדה קורה דאון תובו גותאס דה אב'ואה פארה קה סאנצ'ה אל פאלו. מה קומו נו אס אל לוגאר רגלו דלאצ'אפה אי נו מאקודרי מאקונתסיו תודו אסתו. אסתו מאיזו אקודרר קה אן דמואסתרה קאזה אן סאלוניק תנייאמוס אונה "קותה של רבי מאיר בעל הנס" אי קואנדו בושקאב'אן אלגונה קוזה אי נו סתופאב'ה אסו לוגאר, דספואס דניירב'וס אי גריתוס, מימדרה מתיאה אונה דוס דראכמאס אן לקופה דרבי מאיר אי דספואס קה סקאלמאב'אן אי סתופו רמדיו פרוב'זוריו סתוב'ה לו קה בושקאב'אן אנתס, קון ניירבוס, בלי מאמץ.
תנגו אונה ב'וארתה צ'יקה קה ללאב'ורו איודאנדומה קון דיפ'רנתס אלאתס מא למאס פרפ'רדה אס אונה צ'אפה (מעדר)קה סין אייה נו פואדו אזר נאדה. קון אייה קב'אקו לתיירה אי אראנקו לאס ירב'אס כמו דיזימוס " למאנה דרצ'ה". אנתס קואנתוס דיאס לב'ורי קון לצ'אפה אי דספואס לאמתי אסולוגר קומו אוזו סיימפרה. דום תרס דיאס מאס תאדרה מפ'ואי אתומארלה דמואב'ו פארה לב'וראר און פוקו אי, המן המן, נו לאתופי. נו פואדה סר דישה דמי אנתרה מי, לאולתימה ב'יס לאתורני אסולוגאר, דב'ה אסתאר אקי. יו קה קון אוז'וס סראדוס אצ'ו למאנה אי לאתומו דסו לוגאר קומו נו לאתופו אוי? מאניירב'י אי מאראב'יי אי מחואה אבושקארלה. פאסי אן קאדה לוגאר קה לאב'ורי לוס אולתימוס דיאס אי נו סתופו. פאסי אותרה ב'יס דה אקי איי אי דאיי אקי אי לצ'פה נו סתופה, סלאנגלותו לתיירה! מדיו מוצ'ו סאר למאנקירה דה לאקרידה צ'אפה מה נו תנייה רמדיו אי תומי אונה אותרה. קה בלה, אסתה צ'אפה נו סאב'ה אל לאב'ורו אי אס פסגאדה אמה קה קאגה? מספדריו לפרפראדה צ'אפה אי קין סאב'ה אן קה מאנוס סקאיו לה דשמישאדה. אי יו? קה פ'וקארה דב'ו לאב'ורר קון אונה צ'אפה חאראגאנה. דה ב'יס אן ב'יס דב'ו דה מיראר סי אל קונפיותר דה ארגאר אסתה אן רגלה, פורקה סופיתו סאלתריא אי נו אב'רה לאב'ואה או נו לאסרה אל תיאמפו. אייר דמאניאנה מאסרקי אל קומפיותר אי קיין קה ב'יא איי סי נו לה מיקארה צ'אפיקה? בוקר טוב לדישו, אנסינה סאזה? פאסי אלאדו דה תי תאנתאס ב'זס אי דישיתס נאדה אי אפילו אלגון סיניאל צ'יקו נו אזיתס פארה קה ב'יאה? לה תומי אן מימאנו קון אלגריה גראנדה אי סי נו מאב'רב'ונסאבה קה נו ב'יארן ג'נתה לפודיה בזאר. לו אקונתסיו אס קה אל פאלו דלאצ'אפה סה סקו און פוקו אי נו דתניה בואנו אי לו מתי אל לאדו דאל קומפיותר אונדה קורה דאון תובו גותאס דה אב'ואה פארה קה סאנצ'ה אל פאלו. מה קומו נו אס אל לוגאר רגלו דלאצ'אפה אי נו מאקודרי מאקונתסיו תודו אסתו. אסתו מאיזו אקודרר קה אן דמואסתרה קאזה אן סאלוניק תנייאמוס אונה "קותה של רבי מאיר בעל הנס" אי קואנדו בושקאב'אן אלגונה קוזה אי נו סתופאב'ה אסו לוגאר, דספואס דניירב'וס אי גריתוס, מימדרה מתיאה אונה דוס דראכמאס אן לקופה דרבי מאיר אי דספואס קה סקאלמאב'אן אי סתופו רמדיו פרוב'זוריו סתוב'ה לו קה בושקאב'אן אנתס, קון ניירבוס, בלי מאמץ.
