מספורי ג'וחה שהופיע ב-L.K
Djoha no uzava de azer lo ke le diziya su padre. Un diya de Kipur, se vistieron todo muevo i limpio i salieron a kamino para irsen al Kal. Deviyan de pasar por un rio. El padre penso ke este ijo, siempre aze el kontrario de lo ke le dizen. “Agora si le digo ke pase enfrente en pizando sovre las piedras para no mojar el pantelon limpio, el, por inat, va entrar kon los pies en el rio, I mojarse entero.” Por esta razon, le disho: “Djoha Pasha, no es menester de pizar sovre las piedras ke aparejaron aki. Tu pasa enfrente en entrando en el rio kon los pies.” Kualo izo Djoha? No keres ke entre en el rio kon el vestido muevo i ke se moje de una manera desgrasiada!!! El padre kedo kon la boka avierta. Le disho: “La vida entera, azes el kontrario de lo ke te digo! Ke afito oy, ke izites lo ke te demandi?” Djoha respondio: “Pensi ke, en un Diya de Kipur, seriya bueno ke aga lo ke me demanda mi padre, para no romperle el korason…”
Djoha no uzava de azer lo ke le diziya su padre. Un diya de Kipur, se vistieron todo muevo i limpio i salieron a kamino para irsen al Kal. Deviyan de pasar por un rio. El padre penso ke este ijo, siempre aze el kontrario de lo ke le dizen. “Agora si le digo ke pase enfrente en pizando sovre las piedras para no mojar el pantelon limpio, el, por inat, va entrar kon los pies en el rio, I mojarse entero.” Por esta razon, le disho: “Djoha Pasha, no es menester de pizar sovre las piedras ke aparejaron aki. Tu pasa enfrente en entrando en el rio kon los pies.” Kualo izo Djoha? No keres ke entre en el rio kon el vestido muevo i ke se moje de una manera desgrasiada!!! El padre kedo kon la boka avierta. Le disho: “La vida entera, azes el kontrario de lo ke te digo! Ke afito oy, ke izites lo ke te demandi?” Djoha respondio: “Pensi ke, en un Diya de Kipur, seriya bueno ke aga lo ke me demanda mi padre, para no romperle el korason…”