מירה לו קה טופי........
- פותח הנושא סניוריקה
- פורסם בתאריך
מירה לו קה טופי........
מצאתי אתר בלאדינו של כל מיני....
מצאתי אתר בלאדינו של כל מיני....
LA KOZINA ES NEGRA VIZINA Los echos de la kozina son duros i kanseriozos. LAS MAKAS DE PARO "Esto travando las makas de paro", se diziya kuando uno estava teniendo munchos malores i problemas. LAVARSE LA KAVESA POR OJOS DE LA GENTE Kuando uno bive al modo de la opinion de los otros. LE KAYO LA BAVA "Kuando la vido tanto ermosa ya le kayo la bava " (del plaser). LIMON NO ES KE SE GOLE Se uza kuando uno no konose la personalidad i el moral de otra persona. LO BARATO ES KARO Kuando uno merka una koza ke no es karo, sale ke es de una kualitad no buena. LO KE SE AZE EN LA BODA NO SE AZE KADA ORA Yay algunas okasiones espesiales ke parese ke todo se puede realizar. LO POKO POR LO MUNCHO Esta expression es uzada kuandouno se eskuza por la modestiya ofierta. LOS KORASONES ESPEJOS Esta expression se diziya kuando se pensa en el mismo momento la misma koza. LA SEHORA KE DESHO MI PAPU Esta esklamasion es uzada para dizir ke el evenimiento no le es importante. LO KE VE LA ESHUEGRA Azer un echo superfisial para guadrar la aparensiya. LO KITO DE HAYIM LO METYO A BEDAHAYIM Esta expression era kuando una ruinava una koza ke estava reparandolo(adovandolo). MAKARON FUYIDO DE LA BUYOR Esta expression era uzada kuando avlavan por una persona ke era muy,muy delgada. MENAHEM EL KORKOVADO ECHA LA PYEDRA I ESKONDE LA MANO Por una persona ipokrita. MEOYO DE KUKUVAYA Uno ke no pensa muncho. MISMO SI TE VISTES GUANTES, YENE ES LO DE ANTES Se esprimava por akeyos ke eran muevos rikos (azersen de rikos). MUERETE ,TE KERERE BIEN Kuando se echava falsas lagrimas de uno ke se muryo i no era bien visto. MANO BURAKADA Expression por akeyos ke gastan muncho. MANO SERRADA Uno ke es eskaso. MAR I BUELTA KE NO AY GUERTA Se diziya kuando una kaza era ermosa, ma era asolada i la vida muy monotonia. MASHKAR FYERO, ENGLUTIR KLAVOS Kuando uno se topava en una situasion difisil. ME KAYO NUVLINA Esto se espressava en frente de una koza no buena a la vista" Mekayo la novlina de verla vistida kon las medias tetas por ahuera". ME KAYO EL TAVAN EN LA KAVESA Esto se exprimava kuando uno oyiva una novedad negra. ME KOSTO LOS OJOS DE LA KARA Kuando una koza merkada ke kosto muncho. MENEYAR LOS DEDOS Kuando uno da paras debasho de mano (no legal). METER LOS DOS PIESES EN UN SAPATO Azer una koza muy presto i kon apreto. METER LOS PIES AL TAVAN Esto diziya una persona muy kansa ke dezeya meter los pies en alto. MI BOLSA NO KAYGA A SUS PIES Se diziya por una persona ke no se teniya konfiensa i era malonesto. MIRAR A UNA PERSONA KOMO PUERPO DE REY Tener muy bien kudyo de un hasino.
יש עוד....
SE ENKANTO HANINO EN MEDIO DEL KAMINO Se dize por uno ke en medio de azyendo alguna kosa se aparo i no kuntunea. ECHO DE LOKOS I BOVOS Un lavoro ke no demanda un efforso intelektual. El tiyene un lavoro de lokos i bovos ECHO DE LOKOS I BOVOS Un lavoro ke no demanda un efforso intelektual. El tiyene un lavoro de lokos i bovos EL AYRE LO MAREYA, EL SOL LO SHASHEYA Kuando una persona tiene una salud deligada i se desreposa siempre EL GUERKO NO TIYENE KE AZER Esta espression es utilizada dospues de un aksidente ENKLAVAR LOS KUERNOS Meter un kapricho ENTRAR EN EL OJO DE UNA PERSONA Azer todo lo posible para ser plasida por otra persona ES GUERTA Una persona ke es siempre allegre i sorriyente. Kuando DUDU viene a vermos es komo guerta en kaza ES PARA LA PIERNA DEL REY Esto se uzava por dizir ke akeya muchacha era muy ermosa ESTAR A LAS BAVAS DE LA JENTE Estar dependiente de otros A LA MAR SE VA; AGUA NO TOPA se se uza kuando demandas alguno de trayer una koza i viene kon manos vaziyas, se dize "atyo a la mar se hue i agua no topo" ANCHURA DE HAZE 240 Esto se uzava kuando una persona no dava emportansa de nada "Mi ija Rosika es haze 240" ke era la roba mas ancha ke egsistiya en Estambol ANDE LE ATARON EL OMBLIGO Esto se uza kuando una persona reviene al mismo lugar "Ande se fue fulano?" "Ande le ataron el ombligo" ANDE SE ARAPA EL GUERKO Esto se uza para dizir ke el lugar esta asolado "Ande me estas yevando? ande se arapa el guerko?" APANYAR MOSHKAS "Eya esta asentada en la siya apanyando moshkas" ke kere dizir ke esta aziendo nada APEGAR KON MOKOS Kuando una koza se repara i no tura " Ke izites ? al pareser ke lo apegates kon mokos" ASTA KE ALEVANTA UNA PACA,EL GATO YA LE YEVA LA OTRA Esto era una remarka ironika ke keriya dizir ke akeya persona se meneyo tan avagar AYINDA LE KAYE EL MOKO "Aaroniko ya esta para kazarse" .."Atyo dayinda le kaye el moko" ke kere dizir ke para esta persona Aaroniko dayinda esta muy chiko i no tiene experiensa. AYINDA LE KAYE LOS PERNILES dayinda esta muy chiko i no tiene experiensa. AYINDA NO SE SAVE ATAR LOS CUKURES. dayinda esta muy chiko (cukures era ke se uzava en los pantalones). AZNO BATAL ,PROVECO PARA EL VIZINDADO era uzado por personas ke no eran okupados ma estan pronto para ayudar al vizino
כדאי להכנס יש וד המון
VISTIR LO DE DETRAS PARA DELANTRE Esto se diziya kuando uno se vistiya sin hen o mal , sin ordine i le avlavan por de detras ( Bulisu Diamante se viste lo de detras para delantre). BAVAJADAS I PATRANYAS Uno ke avla sin konsistensiya (Este mos avla bavajadas i patranyas no oygas lo ke dize). BOKA POR ERMOZURA Mos asentamos todos para konversar i eya tyene boka ama avlar no save. BUSHKAR EL KLAVO I EL BURAKO La vizina mos vijita para saver el klavo i el burako, kere saver ke kere saver lo ke se pasa en muestra kaza. BUSHKAR KON KANDELA Mi amiga se mudo de sivdad i la esto bushkando kon kandela ke komo eya no ay otra. YA SE IZO CHINCHA A LA PARED Esto diziyan Kuando alguno se aflakava muncho. DESHA TODO I VATE AL BANYO Kuando se interompe un emportante lavoro en orden de azer otra bavajada de no emportansa. DEZEYO DE PRENIADA Gizi tomates reynados porke me vino un dezeyo irresistible komo de preniadas DOKTOR DE MATASANOS Doktor de matasanos sos ke me estas diziendo kualo yo konsiento? Es un doktor ke yo no le do mi konfiensa. DAME GODRURA TE DARE ERMOZURA No te aflakes mas, ya saves ke godrura es ermozura. DAR A KEMAR La vendio la kaza, pekado la dio a kemar , la vendio kon perdyita. DAR KARA El vizino da muncha kara a los ijos ,es muy amable kon eyos NO DEZ KARA No lo yames a esta personas no le dez muncha kara para ke no mos venga siempre DARSE DE PARED A PARED Regreto tanto de lo ke izo i se dio la kavesa de pared a pared . DARSE LA KAVESA A LA PARED Regreto tanto de lo ke izo i se dio la kavesa a la pared . DARSE EL KULO EN BASHO Regreto tanto de lo ke izo ke se dio el kulo en basho. DEZVANESEVOS KE NO AY KEN VOS OYGA Expression uzado kuando uno kreye ke el dize kozas emportantes, ma dengunos no presta atansion. TOMA UNA BOKA EMPRESTADO I KANTA LES Se uza a dizir a uno ke tiene boka i no avla. MOS DECHATES EN BLANKO No mos estas contando lo ke esta pasando. mos dechates sekos. LA HANUM DURMYENDO I EL MAZAL DESPIERTO A una ke le viene las kozas sin ke aga nada.
הבאתי לכם את התיאבון....תמשיכו לבד.. (
tsiporganeden
New member
נכון מאוד האתר אכן עשיר מאוד
Copyright©1996-2021,Tapuz Media Ltd. Forum software by XenForo® © 2010-2020 XenForo Ltd.