טריאנדפילו
New member
לתרה קון סורפריז
אייר ארסיב'ימוס, מי מוז'יר אי יו, אונה לתרהקה נו לה אקסיפתיב'אמוס. מוס למאנדו אונה קוניסידה ד'אל פאסאדו קה נו תניאמוס קונתאקתו קון אייה קאז'י מאס דה סיקואנתה אניוס! ברקע איי אונה איסתוריה גראנדה אי ב'ו אפירקוראר דה אקורתארלה, קריינדו קה נו ב'וס ב'ה א אנפ'אסתיאר. מי מוז'יר העפילה דה לסוריה אל 1945 פאסאנדו לה פ'רונתיירה לנוצ'ה קאמינאנדו א פייה קון לה אקונפאניה דה סולדאדוס ג'ידיוס דה לה בריגדה העברית אי לוס מאנסיב'וס דה פלמ"ח אסתה קה אריב'יירון אל גרוםו אנתירו אן קיבוץ איילת השחר. דיספואיס דה קונאתוס דיאס לה אג'ינסיה ג'ודיאה דיספרתיו אל גרופו אן דיפ'ירינתיס מושבים אי קיבוצים. מי מוז'יר( סתונסיס תניה דוג'ה אניוס) אריב'יו אן מושב עתרות אל אוריגינאלאל לאדו דה ירושלים. איי לאמיתיירון אנדה אונה פ'אמיה קה סיקומפורתו אניאה מוצ'ו נגרו. אל פ'אקתו קה ארה "פריתה" אי קה נו סאב'ייה לא לינגואה אסתאב'ה באסתאנתה פארה קיתארלה לא אלמה! סופריאו מוצ'ו איי, אסתה קה דספואס דה דוס אניוס פאסו א כפר יהושע אונדה מוס אריקוז'ימוס און גרופו דה נוער עולה דה דיפ'ירינתיס מושבים אי סאלידוס דה קואנתוס פאיזיס. אן כפר יהושע אסתה ניניה תוב'ו אל מזל דה אנתראר אן אונה פ'אמיה מוי בואנה קה תניאן סולו פ'יז'וס אנסינה קה לא אריסיב'יירון קון פלאזיר אי אלגריה קומו "בת יחידה". אסתה קה מוס מאנדו לא ליתרה אס פ'יזה דלום ב'יזינוס אי אנסינה סה קונוסיירון מה נו ארן אמיגאס סירקאס. לוס אניוס פאסארון, אי יו קה סה פ'אזה, מאמורי דה אסתה "סיריאנה" אי מוס קאזימוס אי אנג'ונתו פאסימוס דיאס דוראס אי תיימפוס ארמוזוס. אנתרימינתיס אונה ב'יזינה מואסתרה אן מואסתרו מושב ארה אסקריתורה (אן גנעדן קה אתה)אי אצ'אנדו מואבת אנתרה לאס דוס מי מוז'יר קונתו לו קה פאסו אן סו ב'ידה, אי לב'יזינה אסקריב'יו ליב'רו אל באסו דה אסתו. אסתה קונוסידה דה לא ליתרה מלדו אל ליב'רו אי אסיגון אסקריב'ה סה אמוסיניו מוצ'ו פורקה אן סופיתו אנתנדיו קוזאס קה נו פינסו דאנתיס. אי מוס אסקריב'ה קה אייה (אס אשכנזיה) סה אפ'ירו קון און מאנסיב'ו קה סייאמה נחמיאס אי קואנדו סה אנקונתרו קון לוס פאריינתיס סה ליס פ'יזיירון לאס קאראס פ'ייל! קומו תיינה לא אוזידה דה תומאר נוב'יו "פראנק"? ליס פ'יזיירון, א לוס דוס, מוצ'אס ב'ריב'ואנסאס פור לא קולפה קה אל מאנסיב'ו אס ספרדי. אמה למוז'יר קה מוס אסקריב'ה אוי דיזה קה אן קונוסיינדו לא פ'אמייה לינדה אי "אצילית", קומו אסקריב'ה אייה, קאיינתה אי רספיקתוזה אנקונתרו אונה מואב'ה פ'ורמה דה פ'אמיה מאראב'יוזה קה נו קריאיה קה אקזיסתה אן אל מונדו. אוי אן מלדאנדו אסתה ליב'רו, אסקריב'ה אסתה מוז'יר, פואדה אנתינדר מיז'ור לו קה פאסו אקייה ניניה אל פאסאדו. דיספואס קה מי מוז'יר מלדו לא ליתרה לא תומו אל טלפון אנייה אי פ'אב'לארון מאס דה מידיה אורה אי שפכו את הלב. והיה הרבה.
אייר ארסיב'ימוס, מי מוז'יר אי יו, אונה לתרהקה נו לה אקסיפתיב'אמוס. מוס למאנדו אונה קוניסידה ד'אל פאסאדו קה נו תניאמוס קונתאקתו קון אייה קאז'י מאס דה סיקואנתה אניוס! ברקע איי אונה איסתוריה גראנדה אי ב'ו אפירקוראר דה אקורתארלה, קריינדו קה נו ב'וס ב'ה א אנפ'אסתיאר. מי מוז'יר העפילה דה לסוריה אל 1945 פאסאנדו לה פ'רונתיירה לנוצ'ה קאמינאנדו א פייה קון לה אקונפאניה דה סולדאדוס ג'ידיוס דה לה בריגדה העברית אי לוס מאנסיב'וס דה פלמ"ח אסתה קה אריב'יירון אל גרוםו אנתירו אן קיבוץ איילת השחר. דיספואיס דה קונאתוס דיאס לה אג'ינסיה ג'ודיאה דיספרתיו אל גרופו אן דיפ'ירינתיס מושבים אי קיבוצים. מי מוז'יר( סתונסיס תניה דוג'ה אניוס) אריב'יו אן מושב עתרות אל אוריגינאלאל לאדו דה ירושלים. איי לאמיתיירון אנדה אונה פ'אמיה קה סיקומפורתו אניאה מוצ'ו נגרו. אל פ'אקתו קה ארה "פריתה" אי קה נו סאב'ייה לא לינגואה אסתאב'ה באסתאנתה פארה קיתארלה לא אלמה! סופריאו מוצ'ו איי, אסתה קה דספואס דה דוס אניוס פאסו א כפר יהושע אונדה מוס אריקוז'ימוס און גרופו דה נוער עולה דה דיפ'ירינתיס מושבים אי סאלידוס דה קואנתוס פאיזיס. אן כפר יהושע אסתה ניניה תוב'ו אל מזל דה אנתראר אן אונה פ'אמיה מוי בואנה קה תניאן סולו פ'יז'וס אנסינה קה לא אריסיב'יירון קון פלאזיר אי אלגריה קומו "בת יחידה". אסתה קה מוס מאנדו לא ליתרה אס פ'יזה דלום ב'יזינוס אי אנסינה סה קונוסיירון מה נו ארן אמיגאס סירקאס. לוס אניוס פאסארון, אי יו קה סה פ'אזה, מאמורי דה אסתה "סיריאנה" אי מוס קאזימוס אי אנג'ונתו פאסימוס דיאס דוראס אי תיימפוס ארמוזוס. אנתרימינתיס אונה ב'יזינה מואסתרה אן מואסתרו מושב ארה אסקריתורה (אן גנעדן קה אתה)אי אצ'אנדו מואבת אנתרה לאס דוס מי מוז'יר קונתו לו קה פאסו אן סו ב'ידה, אי לב'יזינה אסקריב'יו ליב'רו אל באסו דה אסתו. אסתה קונוסידה דה לא ליתרה מלדו אל ליב'רו אי אסיגון אסקריב'ה סה אמוסיניו מוצ'ו פורקה אן סופיתו אנתנדיו קוזאס קה נו פינסו דאנתיס. אי מוס אסקריב'ה קה אייה (אס אשכנזיה) סה אפ'ירו קון און מאנסיב'ו קה סייאמה נחמיאס אי קואנדו סה אנקונתרו קון לוס פאריינתיס סה ליס פ'יזיירון לאס קאראס פ'ייל! קומו תיינה לא אוזידה דה תומאר נוב'יו "פראנק"? ליס פ'יזיירון, א לוס דוס, מוצ'אס ב'ריב'ואנסאס פור לא קולפה קה אל מאנסיב'ו אס ספרדי. אמה למוז'יר קה מוס אסקריב'ה אוי דיזה קה אן קונוסיינדו לא פ'אמייה לינדה אי "אצילית", קומו אסקריב'ה אייה, קאיינתה אי רספיקתוזה אנקונתרו אונה מואב'ה פ'ורמה דה פ'אמיה מאראב'יוזה קה נו קריאיה קה אקזיסתה אן אל מונדו. אוי אן מלדאנדו אסתה ליב'רו, אסקריב'ה אסתה מוז'יר, פואדה אנתינדר מיז'ור לו קה פאסו אקייה ניניה אל פאסאדו. דיספואס קה מי מוז'יר מלדו לא ליתרה לא תומו אל טלפון אנייה אי פ'אב'לארון מאס דה מידיה אורה אי שפכו את הלב. והיה הרבה.