ביטי
אין לאס באראקאס קה אסטאבאן אפגאדאס אונה קון לה אוטרה אינפרינטה דה מי קאזה ,פראואדה" מוראבן און פאר לה מוזר מוי ארמוזה "פארפארליה" סה ביסטיה דה סדה. סיימפרה קאמינאבה אראסנטאדה ביין , לאס אונייס אזידאס. קון לאקה קולוראדה. סה פאסאבה לוס מושוס אי טינייה פיינאדו ארמוזו. קמינאבה קון קבקבים אלטוס. אנסינה קואנדו סאליה דה סו בראקה קה לו מדיו דה לוס פאפלס דה פז (נייר זפת שהיה כיסוי לצריף) יה נו אקסיסטיאן. פרסייה קומו אונה ויזיון . קומו אונה פלור קה סאליו דה אנדריבה דה אונה מונטנייקה דה אסטיירקו. אך... לוס אוז'וס דה טודוס לוס מנסביקוס סליאן אפוארה אי קדאבאן קון לה בוקה אביירטה קואנדו פאסאבה דונה. אנסי סה יאמאבה. קאמינבה אין מנאנדו סה סו פוארפו. לוס ביסטימיינטוס אסטרצוס קה טאפאבן סו פוארפו נו דשאבאן לוגאר פו לה אימזיסיון. דאטראס פרסיה קומו אונה מנסאנה גרנדה. לוס פצו'וס דמאנדאבאן אטורנאר אי אמאמאר. לוס אסכואניוס מוס טראבאבן אין לוגארס..... אי לאס מיראדאס קה אצאבאמוס קומו קריאן פאסאר אה לוס ביסטידוס. אמה דונה קאמינאבה קומו נו איי נינגונוס. טודוס סאביאן קה דונה לו אמה מונצו אה סו מארידו סיניור ביטי. סולו קה ביטי נו אס סיגורו קה לו סאבייה. ביטי לאבוראבה אין חאמאליק. און דיה טופאבה לאבור דוס דיאס קדאבה באטאל. אין ביז'ס מוס אסקארבאבאמוס סרקה סרקה דה לה באראקה דה ביטי אי דונה. סינטיר לאס בוז'ס אי לוס סיקרטוס קה סאלן דה אייה. דונה קון לאגרימאס אין לוס אוז'וס אבלאבה אב'גאר "קרידו פאשה אמפייגאטה אין אונה פבריקה טופה טה און לאבור בואנו. אזה טה אמפייגאדו סמאנאדרו. אי יה בסטה קון איל בב'ר ראקי לו קה גאנאס סה דספארסה קון אסטה ביב'ידה דה ראקי. איל דיו קה לו מאטה האסטה קה טרושו אסטה בב'ראזה אל מונדו. ביטי דה סו פארטה אמפסאבה יוראר דונה דונה מי אלמה, דונה קרידה מיה, נו איי מוז'ר אין אין איל מונדו אינטיירו קה אפארסקה אטי. דונה דה צ'ופו לוס דדוס דה טו פיה. דונה מי אלמה נו איי קיין קה טה אמה מאס דה מי.דספואס קאייה קאידאד סולו לאס בוז'אס דה און פאר אזיינדו אמור. האסטה טיימפו דשאבה איל לוגאר אברואנסוסו אה דה מאס קה ארה פירחח גרנדה. דאינדה טינייה אוזוס (קוסטומברה) בואנוס קה טומי דה מי קאזה. און דיה דה אנביירנו סרקה מדיה נוצ'ה. אונה נוצ'ה דה לוביה רלאמפארוס אי טרואלוס. לו סינטימוס אה ביטי דונ....ה אך דונ..ה טודוס סה דספרטארון, מי פאדרה קה טינייה פלאברה קון ביטי סה מיטיו און סולטוק אנדריבה דה סו פיג'אמה אי סאליו אפוארה אין לה לוביה אי איל איירה קה פארסיה קה אסטה דמנדאנדו טומאר טודאס לאס בראקס אל דיאבלו.ביטי בוראצו אינטירו גריטאנדו אי יוראנדו. דונה... איי דונה.. קה קיירס דה מי בידה דונה טה אמו נו מה דשס סולו מה מוארו סין טי. לו קיטארון דל לודו, לו אינטרארון אה סו באראקה . דונה קון לאגרימאס אין לוס אוז'וס ל'קיטו לאס קונדוריאס איל פאנטאלון אי לה קאמיזה קה יה אסטאבה יינה דה גומיטו.אי קון מי פאדרה לו אסטירארון אה ביטי אה סו קאמה , אי דאינדה ביטי אסטאבה מורמוריאנדו דונה דונה. אי יו קה מארובי דאטראס דה מי פאדרה נו פואדה מאס רזיסטיר. לאס לאגרימאס קיירון דה סויו לה איירה אי לה לוביה מאמוזי אינטרו.מי פאדרה מה אבראסו אי מה דישו קון בוס רוטה יינה דה סכורה. ב'ן יצחקיטו ב'ן טו מאדרה פארסה קה מוס אסטה אספראנדו. דה אקל דיה נו לה בידה מאס אה דונה אי נו מאס אה ביטי סדפריסיירון דל באריו.
אין לאס באראקאס קה אסטאבאן אפגאדאס אונה קון לה אוטרה אינפרינטה דה מי קאזה ,פראואדה" מוראבן און פאר לה מוזר מוי ארמוזה "פארפארליה" סה ביסטיה דה סדה. סיימפרה קאמינאבה אראסנטאדה ביין , לאס אונייס אזידאס. קון לאקה קולוראדה. סה פאסאבה לוס מושוס אי טינייה פיינאדו ארמוזו. קמינאבה קון קבקבים אלטוס. אנסינה קואנדו סאליה דה סו בראקה קה לו מדיו דה לוס פאפלס דה פז (נייר זפת שהיה כיסוי לצריף) יה נו אקסיסטיאן. פרסייה קומו אונה ויזיון . קומו אונה פלור קה סאליו דה אנדריבה דה אונה מונטנייקה דה אסטיירקו. אך... לוס אוז'וס דה טודוס לוס מנסביקוס סליאן אפוארה אי קדאבאן קון לה בוקה אביירטה קואנדו פאסאבה דונה. אנסי סה יאמאבה. קאמינבה אין מנאנדו סה סו פוארפו. לוס ביסטימיינטוס אסטרצוס קה טאפאבן סו פוארפו נו דשאבאן לוגאר פו לה אימזיסיון. דאטראס פרסיה קומו אונה מנסאנה גרנדה. לוס פצו'וס דמאנדאבאן אטורנאר אי אמאמאר. לוס אסכואניוס מוס טראבאבן אין לוגארס..... אי לאס מיראדאס קה אצאבאמוס קומו קריאן פאסאר אה לוס ביסטידוס. אמה דונה קאמינאבה קומו נו איי נינגונוס. טודוס סאביאן קה דונה לו אמה מונצו אה סו מארידו סיניור ביטי. סולו קה ביטי נו אס סיגורו קה לו סאבייה. ביטי לאבוראבה אין חאמאליק. און דיה טופאבה לאבור דוס דיאס קדאבה באטאל. אין ביז'ס מוס אסקארבאבאמוס סרקה סרקה דה לה באראקה דה ביטי אי דונה. סינטיר לאס בוז'ס אי לוס סיקרטוס קה סאלן דה אייה. דונה קון לאגרימאס אין לוס אוז'וס אבלאבה אב'גאר "קרידו פאשה אמפייגאטה אין אונה פבריקה טופה טה און לאבור בואנו. אזה טה אמפייגאדו סמאנאדרו. אי יה בסטה קון איל בב'ר ראקי לו קה גאנאס סה דספארסה קון אסטה ביב'ידה דה ראקי. איל דיו קה לו מאטה האסטה קה טרושו אסטה בב'ראזה אל מונדו. ביטי דה סו פארטה אמפסאבה יוראר דונה דונה מי אלמה, דונה קרידה מיה, נו איי מוז'ר אין אין איל מונדו אינטיירו קה אפארסקה אטי. דונה דה צ'ופו לוס דדוס דה טו פיה. דונה מי אלמה נו איי קיין קה טה אמה מאס דה מי.דספואס קאייה קאידאד סולו לאס בוז'אס דה און פאר אזיינדו אמור. האסטה טיימפו דשאבה איל לוגאר אברואנסוסו אה דה מאס קה ארה פירחח גרנדה. דאינדה טינייה אוזוס (קוסטומברה) בואנוס קה טומי דה מי קאזה. און דיה דה אנביירנו סרקה מדיה נוצ'ה. אונה נוצ'ה דה לוביה רלאמפארוס אי טרואלוס. לו סינטימוס אה ביטי דונ....ה אך דונ..ה טודוס סה דספרטארון, מי פאדרה קה טינייה פלאברה קון ביטי סה מיטיו און סולטוק אנדריבה דה סו פיג'אמה אי סאליו אפוארה אין לה לוביה אי איל איירה קה פארסיה קה אסטה דמנדאנדו טומאר טודאס לאס בראקס אל דיאבלו.ביטי בוראצו אינטירו גריטאנדו אי יוראנדו. דונה... איי דונה.. קה קיירס דה מי בידה דונה טה אמו נו מה דשס סולו מה מוארו סין טי. לו קיטארון דל לודו, לו אינטרארון אה סו באראקה . דונה קון לאגרימאס אין לוס אוז'וס ל'קיטו לאס קונדוריאס איל פאנטאלון אי לה קאמיזה קה יה אסטאבה יינה דה גומיטו.אי קון מי פאדרה לו אסטירארון אה ביטי אה סו קאמה , אי דאינדה ביטי אסטאבה מורמוריאנדו דונה דונה. אי יו קה מארובי דאטראס דה מי פאדרה נו פואדה מאס רזיסטיר. לאס לאגרימאס קיירון דה סויו לה איירה אי לה לוביה מאמוזי אינטרו.מי פאדרה מה אבראסו אי מה דישו קון בוס רוטה יינה דה סכורה. ב'ן יצחקיטו ב'ן טו מאדרה פארסה קה מוס אסטה אספראנדו. דה אקל דיה נו לה בידה מאס אה דונה אי נו מאס אה ביטי סדפריסיירון דל באריו.
