וגם סיפור
אונה קונסז'יקה קה מלדימוס אל קורסו דה חיפה, סניור דניאל - קה מוס אמבזה מה פרמיטיו אה פובליקארלה, אמה אי אל לה טומו דל אולטימו פריודיקו "אקי ירושלים", (פובליקו אין אוקטוברה) אני מפרסמת אותו פה לא רק כי זה סיפור נחמד, אלא גם יש בו מלא מילים שעדיין לא נרשמו בפורום, למיטב זכרוני. בסוגריים (קומו סה דיזי???) רושמת את הפירוש כפי שהמורה רשם לנו במקור. לאס ביזבאס קה מה סאלב'ארון דל קאסטיגו (עונש) אי לה ב'רגואנסה / סיפרה: שרה בנבנישתי אן מי צ'יקז מה פלאזייה מונצ'ו קומר דולסס, סוב'רה טודו קה מי מאדרה, דה בנדיצ'ה ממוריה (ז"ל) קה קונסידראב'ה קומו און פונטו דה אונור דה טנר אן קאזה לוס דולסס לוס מאס אקספסיונאלס, ארה אונה גראנדה ספסיאליסטה (מומחית אן סאב'רלוס אזר אי קונסרב'אר (לשמור). מה פארה סוס דולסס יו פרזנטאב'ה (חוויתי) אונה טרור, פורקה אונדה סרה קה לוס גואדראב'ה, לוס סאב'יה טופאר אי קומרלוס סין דינגונה פיאדאד (רחמים). נו קאסטיגוס (עונשים), נו מנאזוס (=MENAZOS=איומים), נו מה פודיאן קוריג'אר (לתקן) דה אסטו, טאנטו מה טראב'אב'אן לוס דולסס. מי מאדרה יה מה דאב'ה סיימפרה אה לאמבר (ללקק) לוס דיפס דה לוס טנג'רס (תחתיות הסירים) אי מה דש'אב'ה לה פארטידה לה מאס דספ'אב'וראדה (פחות טעים) פארה מי, מה יו אן סאב'יינדו קה אב'ייה דולסה אן קאזה פרדיה אל אסואניו אי קומו און מאנייט (מגנט) אטיראדה (נמשך) , לוס סאב'יה טופאר אי קומר. אסטו מה אזייה לומבריזס (LOMBRIZES = תולעים) אן לאס טריפאס אי ארה קון פורגה (PURGA = שמן קיק / רצ'ינה) קה לאס אצ'אב'ה, מה דאב'אן אונוס דולורס דה טריפאס דסגראסיאדוס (איומים). מי מאדרה נו פ'וייה לה אוקאזיון דה קונטארלס אה מיס אמיגאס קה קאדאר דה פאפונה (זללנית) קה ארה, אי אה מי פאדרה מונצ'אס ב'זס נו לו דש'אב'ה קה מה דיירה לה סמאנאדה (דמי כיס) אי אאון קון טודו אסטו, יו נו פודייה רזיסטיר (לעמוד בפיתוי) סין בוש'קאר, טופאר אי קומר דולסה. אונה טאדרה, טורנאנדו דה לה אסקולה, מי מאדרה נו סה טופו אן קאזה. דספואס קה יה קומי לו קה מי אפארז'ו, סינטי (חשתי) און גראנדה מנסטר דה קומר דולסה, מה ני פור אן מדיו, ני אסקונדידו אב'ייה דינגון סיניו (סימן, רמז). נו סה קומו מה סינטי אטיראדה אה אונה טראסיקה קה טניאמוס אריב'ה פארה אנש'וגאר לאב'אדוס, אי קה מי ארה דפ'נדידו דה סוב'יר פור מיאדו (MIEDO = מפחד) דה קאיירמה. סוב'רה טודו מי פאדרה אב'יה אצ'ו אונה סרראדורה (נעילה) רזיה, קה נו לה פודיארה יו אב'ריר. אן סופיטו ב'יו קה אל גאנצ'ו (המנעול) קה סה טופאב'ה אן אלטו נו אסטאב'ה מטידו, ארונג'י (דחפתי) לה פוארטה אי קון פאסיליטה (בקלות) סה אב'ריו. יו קה אנטרו אה לה טראסה קה ב'יו?? און טפ'סין (קערה) דה במבריאדה (חלב'ה דה במבריו = חבוש) קה מי מאדרה מטיו אה אנש'וגאר אל סול, טאפאדו קון און טולבנט (TULBENT=VELO = אריג דק) . אנסי אוזאב'ן, פארה קה אל דולסה נו פריירה (שלא יאבד) סו קולור. נו לו דש'אב'אן מונצ'ו אן לה לומברה, לו מטייאן אה אפורארסה (לספוג / לצמצם נוזלים) אן אל סול. אלב'אנטאנדו און בודרה דל טולבנט יה מה אמפסו אה קורייר לה סאליב'ה (הזלתי ריר) דה לה בוקה, מה קומו פודר טוקאר אסטה דולסה קה יה טנייה לה קרוסטה (קליפה) דה אנריב'ה קאז'ה אנש'וטה (יבשה). אנדה יב'ה מטר לה מאנו יב'ה סר דש'אר מי סינייאטורה, אי יה מה פנסאב'ה מונצ'ו לו קה יב'ה ב'יניר דה דטראס. אה לה פ'ין טופי און רמדיו, אבאש'י אה לה קוזינה, טומי אונו דה לוס מאקארונס גודרוס קון לוס קואלוס מי מאדרה אזייה מאקארון ריינאדו. סוב'יינדו אריב'ה לו אנטרי פור און קאנטוניקו קה נו סה פודייה ב'ר, אדיאנטרו דל דולסה אי מה מטי אה סורב'ר (ללגום). אל דולסה מה אמפסו אה ב'יניר אה לה בוקה קומו מאאנה דה לוס סיילוס (כמו מן משמיים). ב'ידה קה דה אונה ב'אנדה (צד) סה איזו מאס באש'ה, אלורה קיטי אל מאקארון דה איי אי לו מטי פור לה אוטרה ב'אנדה אי אנסי, פ'ין קה קאז'ה לה קרוסטה יה סה אפגו קון אל דיפ דל טפ'סין, אי יו ארטה אי קונטנטה אבאש'י אי מה מטי אה אזר מיס ליסיונס. קואנדו מי מאדרה ב'ינו, סו פרימר יוגו (YUGO=דאגה) פ'וה דה קיטאר אל דולסה דה לה טראסה קה נו לה דיירה אל אַיַאז (AYAZ = טל), לה אומידיטה, אי לה סיינטו אבאש'אר קון גריטוס דזספראדוס (מיואשות). יו יה מה מורי דל סאר (פחד , דאגה), יה דיש'ה קה אן אגזאז'ראנדו (הגזמתי) טאנטו יה מה די אן מאנו (הסגרתי את עצמי). מה מי מאדרה טניינדו אל טפ'סין דה דולסה, אן לה מאנו מה יאמאב'ה: "ב'ן פרסטו שריקה! איודאמה אה קיטאר טודאס אסטאס ביזבאס (דבורים) קה סה אינצ'ו אל טיפ'סין!!" מי מאמה אחארב'אנדולו אה לה פוארטה דה לה קאייה, יו קון אונה טוב'אז'ה (מגבת) מה מטי אה ארונג'אר לאס ביזבאס קה סאליאן פור לוס בוראקיטוס קה איזה קון אל מאקארון, אי קואנדו יה סאליירון טודאס, מי מאדרה מוי אפ'קטאדה (נרגשת) דה ב'ר אל דולסה קה טאנטו פנו סין דינגון רזולטאדו: "בואן מזל מיו!" דיש'ו, "קואנדו נו אס לה איז'ה, סון לאס ביזבאס קה מה ב'אן אה קומר אל דולסה. קן בואן מזל טיינה נונקה לו פרייה." אי פור רקומפנסיה (פיצוי) פארטיו אן בואן פדאסו דה לה קרוסטה דל דולסה אי מה לה דיו אה קומר. אאון קה מה סינטי (הרגשתי) קה לאס טריפאס (מעיים) מה איב'אן אה ב'ניר אל גארון, נו פודה רפ'וזאר, אי אסטו פ'ואה אל מאס גראנדה קאסטיגו (עונש) פארה מי, פורקה אקיאה נוצ'ה נו פודה דורמיר דל דולור דה טריפה. נאטוראלמנטה , מי מאדרה אספרטאנדוסה, יה קוריו קון אל בוקאל דה אזיטה דה רצ'ינה, פארה אזרמה קיטאר לאס לומבריזס (תולעים). אל אוטרו דייה, נו פודינדומה איר אה לה אסקולה, פריי דה דאר מיס אגזאמנס. אסטו פ'וה אונה גראנדה לסון פארה מי, פור סר טאן פאפונה, אי דה אקל דייה סינטי קה מה דסגוסטי מונצ'ו דה לוס דולסס.
