איל אפנדי סאלמאן
טודוס סאב'ן קה לוס ערבוס סון מינטירוזוס. בואנו נו אס קוזה מואבה פואדיש דיזיר לו ס'במוס דל טיימפו דה מואסטרוס פאדרס. נו ב'ינה אנב'ינטיר אל קארו. אמה אנב'סס דה טאנטו אב'לאן מינטיראס אסטה קה איוס אמפסאן אפיאר דה לאס מינטיראס. איל אפנדי סאלמאן מורבה אין איל צנטרו דל קאזאל. טנייה קאזה מוי גרנדה קון קורטיזו דה הלכה אסטה שבת, אי מאס. קאדה דיאה קואנדו איל סול אסט'בה אין איל מדיו דל סיאלו. סה אפרונטאבה איל אפנדים אצ'אר סה אין לה קאמה. טומאר און פוקו דה רפוזו. קה קירה איל דיו ג'וסטו אקיה אורה טורנאב'אן איל שבאב דה לה אסכולה אי ס'מיטיאן ג'וגאר אנפרנטה דה סו טראפירה. קון פילוטה (באלה) פוט בול. אצ'אנדו גריטוס, אי פילוטאדאס אחרב'נדו סוס טראפיראס. פוקארה סלמאן נו פודיאה סיראר לוס אוזוס. אלבאנטאבה לה טרפירה אי אמפס'בה גריטאר. אינעל אבוקום יה איבנל חלאל. איל שטאן קה ווס טומה ליי דה פרוס בוב'וס. אי טומאב'ה און נאבוט אין לה מאנו אי ס'מיטיה קורר דה אטראס דל שבאב, קה סה דספרטיאן קומו ל'איירה. אל אוטרו דיה קומו אונה רוטינה לו מיזמו. יה סה ל'אמפסטיו. אל אפנדים. קה איי דה אזר? אין פין לה סוביו אונה אידיאה אין לה קאב'סה. אל אוטרו דיה ב'יניארון איל שבאב הג'וגאר, סאלמאן אב'ריו סו טרפירה. איל שבאב יה אסטאב'ה פרונטו פואיר סה. סטאנה שוויה, סטאנה שוויה, קדאנדו! קרו דיזיר ווס אונה קוזה קה נו לו סב'יאש. אין אסטאס אוראס קה אסטאש ג'וגאנדו אינפרינטה דה מי קאזה סין דאר מה רפוזו, ג'וסטו אין אסטה אורה דאן חלבה דבאלד'ס אין איל קאזאל דה אינפרינטה. טנגו אמיגו חאלבאג'י קה אזה פרובצ'וס אלאס פאמיאס פרובאס אי דה חלבה אקן קיארה סין פאראס. פסו לה מאניאנה, אין לה מיודיאה ס'פואה איל אפנדים האצ'ר. נו סאב'ה דה קה נו סה לס אסראנדו לוס אוז'וס. מירה אריבה אל טבאן ביאנדו און אראניירו אפ'רר אונה פוקרה דה מושקה. לה דורמידה נו קיארה ב'יניר. מוי קאיד'ס. אין סופיטו סה א'לבאנטה דה לה קאמה סה אר'סנטה סו שרוואל. אין דיזיאנדו, אך איל דיו קה מה טומה. סה און לניו, פידריאנדו איל טיימפו, אין אסטה אורה ג'וסטו איל חאלבאג'י אסטה דנדו חלבה ד'באלד'ס. אס לו קה ווס דישה נו?
טודוס סאב'ן קה לוס ערבוס סון מינטירוזוס. בואנו נו אס קוזה מואבה פואדיש דיזיר לו ס'במוס דל טיימפו דה מואסטרוס פאדרס. נו ב'ינה אנב'ינטיר אל קארו. אמה אנב'סס דה טאנטו אב'לאן מינטיראס אסטה קה איוס אמפסאן אפיאר דה לאס מינטיראס. איל אפנדי סאלמאן מורבה אין איל צנטרו דל קאזאל. טנייה קאזה מוי גרנדה קון קורטיזו דה הלכה אסטה שבת, אי מאס. קאדה דיאה קואנדו איל סול אסט'בה אין איל מדיו דל סיאלו. סה אפרונטאבה איל אפנדים אצ'אר סה אין לה קאמה. טומאר און פוקו דה רפוזו. קה קירה איל דיו ג'וסטו אקיה אורה טורנאב'אן איל שבאב דה לה אסכולה אי ס'מיטיאן ג'וגאר אנפרנטה דה סו טראפירה. קון פילוטה (באלה) פוט בול. אצ'אנדו גריטוס, אי פילוטאדאס אחרב'נדו סוס טראפיראס. פוקארה סלמאן נו פודיאה סיראר לוס אוזוס. אלבאנטאבה לה טרפירה אי אמפס'בה גריטאר. אינעל אבוקום יה איבנל חלאל. איל שטאן קה ווס טומה ליי דה פרוס בוב'וס. אי טומאב'ה און נאבוט אין לה מאנו אי ס'מיטיה קורר דה אטראס דל שבאב, קה סה דספרטיאן קומו ל'איירה. אל אוטרו דיה קומו אונה רוטינה לו מיזמו. יה סה ל'אמפסטיו. אל אפנדים. קה איי דה אזר? אין פין לה סוביו אונה אידיאה אין לה קאב'סה. אל אוטרו דיה ב'יניארון איל שבאב הג'וגאר, סאלמאן אב'ריו סו טרפירה. איל שבאב יה אסטאב'ה פרונטו פואיר סה. סטאנה שוויה, סטאנה שוויה, קדאנדו! קרו דיזיר ווס אונה קוזה קה נו לו סב'יאש. אין אסטאס אוראס קה אסטאש ג'וגאנדו אינפרינטה דה מי קאזה סין דאר מה רפוזו, ג'וסטו אין אסטה אורה דאן חלבה דבאלד'ס אין איל קאזאל דה אינפרינטה. טנגו אמיגו חאלבאג'י קה אזה פרובצ'וס אלאס פאמיאס פרובאס אי דה חלבה אקן קיארה סין פאראס. פסו לה מאניאנה, אין לה מיודיאה ס'פואה איל אפנדים האצ'ר. נו סאב'ה דה קה נו סה לס אסראנדו לוס אוז'וס. מירה אריבה אל טבאן ביאנדו און אראניירו אפ'רר אונה פוקרה דה מושקה. לה דורמידה נו קיארה ב'יניר. מוי קאיד'ס. אין סופיטו סה א'לבאנטה דה לה קאמה סה אר'סנטה סו שרוואל. אין דיזיאנדו, אך איל דיו קה מה טומה. סה און לניו, פידריאנדו איל טיימפו, אין אסטה אורה ג'וסטו איל חאלבאג'י אסטה דנדו חלבה ד'באלד'ס. אס לו קה ווס דישה נו?
