טריאנדפילו
New member
SUPERSTISION =אמונה תפלה
אצ'אנדו מואבת קון אמיגוס סינתי אונה קוזה אנתרסאדה סוברה סופרסתיסיונס. אונה מוז'ר אנתס מוצ'וס אניוס סלמוריו אל פרימו בבה (תינוק). קון אל תיימפו אסתאב'ה פרניאדה דמואב'ו אי אותרה ב'יס דספואס דה דוס תרס מזס סמוריו לקריאתורה. לאדשמישאדה נו סב'יה קואלו פ'אזר. איאה מזמה אסתאב'ה סאלודוזה אי אל פרניו פאסו סין פרובלמוס אי אל פארימיינתו פאסו סין קומפליקאסיונס. לוס מדיקוס נו תנייאן רפואסתה אי איאה אן סו דספראסיון סה חואה אל רבינו פארה קה לאיודה. אל רבינו לדישו קה א לאב'יס ב'ינידה קה ב'ה פאריר סי ב'ה סר פ'יזו לו דב'ה דה אספוזארלו פרסתו קון אונה קריאתורה! אי פאסו אל תיימפו אי אסתה מוז'ר פאריו דמואב'ו פור לתרסה ב'ס און איז'יקו. קריאה אל דיו אי דוס מזס דספואס פאריו סו ארמאנה אונה איז'יקה אי ארה נאתוראלה קה אצ'תו דאספוזארלה קון אל סוב'רניקו. פאסארון לוס אניוס אי מואסתרו איז'יקו קון סוס פאריינתס ב'יניירון א פאלסתינה אי לא"נוב'ייקה" קון סו פ'אמיה קדארון אן סוס לוגאר, אי פאסארון לאגרה מונדיאלה קון תודו לו מאל, אמה ססאלב'רון בנדיצ'ו אל דיו. אנתרימנתיס לה איז'ה סה קאזו אי פאריו און איז'יקו ארמוזו אי סאלודוזו. אקי אן ישראל, אנתרימינתס, אנפסו לה גרה דה לאינדפנדאד אי אל איז'יקו יא סאנגראנדסיו אי אסתאב'ה און מאנסב'ו לינדו. ארמוזו אי אלתו קון מנייפ'יקו קאראקתירה. אל סאליו א לאגרה אי דספואס דה אונוס קואנתוס מזס אל פוב'ורתו סה מאתו! לניניה סה דספארתיו דה סו מארידו אי קדו סולה קון לאקריאתורה. דספואס קה ב'ידו קה נו ב'ה תנר חיירה איי סב'ינו א ישראל. אקי סופ'ריו מוצ'ו אייאה אי סו פ'יז'ו. אייאה סה קאזו אותראס דוס ב'זס סין מזל אי א לאפ'ין סמוריו דה מאל דה קוראסון. אל פ'יז'ו פאסו מוי מאלוס תיימפוס אסתה קה סה ארסנתו. לאמאדרה דאקל איז'יקו נו אפוזאב'ה, אסתה קה מוריו, דה דיזיר קה תודו לו קה אקונתיסיו א לאס דוס פ'אמיאס אס קאסתיגו דאל דיו פורקה לאניניה סה קאזו קון אותרו אומברה!!! אסתאס קוזאס סון ב'רדה. יו קונוסו לאס דוס פ'אמיאס אי יא סה לו קה פאסארון אמה נו סה קואלו דיזיר א לאקסתיון סי אס סופרסתיסיון או קאזואל!!! לאלוהים פתרונים.
אצ'אנדו מואבת קון אמיגוס סינתי אונה קוזה אנתרסאדה סוברה סופרסתיסיונס. אונה מוז'ר אנתס מוצ'וס אניוס סלמוריו אל פרימו בבה (תינוק). קון אל תיימפו אסתאב'ה פרניאדה דמואב'ו אי אותרה ב'יס דספואס דה דוס תרס מזס סמוריו לקריאתורה. לאדשמישאדה נו סב'יה קואלו פ'אזר. איאה מזמה אסתאב'ה סאלודוזה אי אל פרניו פאסו סין פרובלמוס אי אל פארימיינתו פאסו סין קומפליקאסיונס. לוס מדיקוס נו תנייאן רפואסתה אי איאה אן סו דספראסיון סה חואה אל רבינו פארה קה לאיודה. אל רבינו לדישו קה א לאב'יס ב'ינידה קה ב'ה פאריר סי ב'ה סר פ'יזו לו דב'ה דה אספוזארלו פרסתו קון אונה קריאתורה! אי פאסו אל תיימפו אי אסתה מוז'ר פאריו דמואב'ו פור לתרסה ב'ס און איז'יקו. קריאה אל דיו אי דוס מזס דספואס פאריו סו ארמאנה אונה איז'יקה אי ארה נאתוראלה קה אצ'תו דאספוזארלה קון אל סוב'רניקו. פאסארון לוס אניוס אי מואסתרו איז'יקו קון סוס פאריינתס ב'יניירון א פאלסתינה אי לא"נוב'ייקה" קון סו פ'אמיה קדארון אן סוס לוגאר, אי פאסארון לאגרה מונדיאלה קון תודו לו מאל, אמה ססאלב'רון בנדיצ'ו אל דיו. אנתרימנתיס לה איז'ה סה קאזו אי פאריו און איז'יקו ארמוזו אי סאלודוזו. אקי אן ישראל, אנתרימינתס, אנפסו לה גרה דה לאינדפנדאד אי אל איז'יקו יא סאנגראנדסיו אי אסתאב'ה און מאנסב'ו לינדו. ארמוזו אי אלתו קון מנייפ'יקו קאראקתירה. אל סאליו א לאגרה אי דספואס דה אונוס קואנתוס מזס אל פוב'ורתו סה מאתו! לניניה סה דספארתיו דה סו מארידו אי קדו סולה קון לאקריאתורה. דספואס קה ב'ידו קה נו ב'ה תנר חיירה איי סב'ינו א ישראל. אקי סופ'ריו מוצ'ו אייאה אי סו פ'יז'ו. אייאה סה קאזו אותראס דוס ב'זס סין מזל אי א לאפ'ין סמוריו דה מאל דה קוראסון. אל פ'יז'ו פאסו מוי מאלוס תיימפוס אסתה קה סה ארסנתו. לאמאדרה דאקל איז'יקו נו אפוזאב'ה, אסתה קה מוריו, דה דיזיר קה תודו לו קה אקונתיסיו א לאס דוס פ'אמיאס אס קאסתיגו דאל דיו פורקה לאניניה סה קאזו קון אותרו אומברה!!! אסתאס קוזאס סון ב'רדה. יו קונוסו לאס דוס פ'אמיאס אי יא סה לו קה פאסארון אמה נו סה קואלו דיזיר א לאקסתיון סי אס סופרסתיסיון או קאזואל!!! לאלוהים פתרונים.
)