שבת שלום

[טריאנדפילו]

שבת שלום

א תודוס. בינדיצ'ו איל דיו קה מוס איצ'ו לוב'יה אמה פאריסה קה איי אלגון יירו. דימאנדימוס לוביה מא נו פדריסקו בוי דה ב'ואיב'וס אי נו קיריאמוס קה מוס פאגי לא דיב'דה אין אונה! אין דימוזותרוס קאיו 160 מילימתרוס דה לוב'יה אין דוס דיאס לו קה איס מאס דה און תירסו דה לו קה תינימוס אין און אניו רגולאדה. יו תינגו ארב'ולירו (מטע) דה אפרסמון אי נו קורתי נאדה. איל פידריסקו לו פ'יזו "סאלאתה". לו קה קידו איס לו קה מידה לא סיגוריתה קה איס ספק באסתאנתי פארה לוס גאסתיס. קה סיפ'אזה, אנסינה איס אין לא אגריקולתורה. אגורה איספירו קה לא קונתוניאמיאנתה ד'איל אינביירנו סיא מיז'ור .

 

[רותי ב.]

שבת שלום טריאנדפילו,

ב'ירדאד, קאדה קוזה קון סו מיזורה, נו מאנקו אי נו דימאזייאה, אי נו פידריסקוס קואנדו סי ארוגה פור לוב'יה ... אמה אסטאס סון לאס "הפתעות" (סורפריזאס??) די לה ב'ידה, נו סיימפרי מוס ב'יינה ג'וסטו לו קי ארוגאמוס אי דימאנדאמוס .. ארוגו לוס אוטרוס קריסימיינטוס קי טייניס אין טו טיראנו די טיירה (שטח) קריסקאן אין ריגלה אי קי ב'ייגאס פרוב'יצוס די איוס. אוי אקי טינימוס אין דייה אירמוזו פור קאמינאר אי גוזאר

 

[טריאנדפילו]

רותי תייניס ראזון

לא נאתורה סי קומפורתה קון סוס רולוס אי מוזותרוס נו תינימוס לא פוסאביליתה די קונתרולארלה. ייני אריסיב'ימוס לא לוב'יה קון פלאזיר אי אונה צ'יקה קישה. מירה קי פ'אזה לא נאתורה. אין דימי מאנקו די סיין מיתרוס די אונדי קאיו פידריסקו תינגו און פוקו דה זארזאב'את פארה לא קאזה אי איל פידריסקו נו לא תוקו דילתודו!

 

[SuzieRS]

../images/Emo13.gifרייה איל אגריקולטור,ריימוס טודוס

איל דיסטינו די לה ריקולטה קומו איל דיסטינו דיל אגריקולטור, קון טודה לה טיקנולוז'ייה ,דאיינדה דיפינדי דיל אומור(!) די לה נאטורה. אה לו מאנקו אגורה איי אונה סירטינה קומפינסאסייון. קומו טי איסטאס דיסבולב'יינדו קון לה "שמיטה" איסטי אנייו? לוס פריסייוס די לאס זארזאב'אטיס איסטאן "פ'ויגו" אין איל "סופיר".

 

[טריאנדפילו]

לא פוליתיקה

סיאינתרו א לאריליזיון אסתה קי נו סיפואידה סאב'יר אונדה אינפיסה לא ריליזיון אי אונדה לא פוליתיקה. תודו קארישתיריאדו אי אינבאראסאדו אסתה קיסיפיידרה לא אונור א לוס רבנים אי לאריליזיון תאנביין. תאנתוס אניוס אוזאב'אמוס די"ב'ינדיר" לוס תירינוס א לוס "גויים" אסיגון דיזה איל פסק הלכה ד'איל הרב קוק. אסימיז'ה דילוקה אזימוס אין פסח. אין סופיתו סיאספירתארון לוס "חרדים" אי ב'יירון קי איי אוקאזיון דיגאנאר בואינו דילאשמיטה אי קיתארון פסק הלכה מואיב'ו קי מוס אוב'ליגה דישאר באתאל לא תיירה אניו אינטירו אי אזיר אינפורתו קארו אל לוגאר די דישארמוס קונתונואר קון איל פסק דה הרב קוק. אינתרימינתיס סיאורגאניזארון אונוס קואנתוס רבינוס ג'וב'ינוס דילא"ציונות דתית" אי קונתוניארון א לאסיסתימה ב'ייז'ה אי אנסינה נו איי פרובלימוס די כשרות אי שמיטה. סולו איל קיקיירה "כשרות של בד"ץ מיוחד" איס אוב'ליגאדו דיפאגאר מוצ'ו קארו. לא אירוניה איס קי אונה בואינה פארתי דילא זארזאב'את "ללא חשש שביעית" אי לאקילאינגראדיסיו ג'ידיו אמה לאב'ינדיו א גוי אי איל לאב'ינדה "כשר למהדרין" אין פריסיו פ'ואיגו.

 

[רותי ב.]

אוחח קואנטו מונצ'ו טייניס ראזון,

אין דיזיינדו קי לה פוליטיקה סי אינטרו אה לה ריליזיון, אי טודו לו קי אסקריב'יטיס ... אי אנדי סי טופה קי סי פואדי גאנאר פאראס, יה איי קין סאב'י טרוקאר או אבולטאר לה הלכה פור מונידה.