קונסז'ה דה ג'וחה
קונסז'ה דה ג'וחה לה מאדרה דה ג'וחה פנסו פור סו איז'ו : , קה וה אזר קון אסטה בובו?" טומו אונה ואליצ'ה קון ויסטידוס וייז'וס אי לה דיו אן סו מאנו דיזיינדו : "ואטה א לוס קאמפוס, ונדה אי מרקה .. אי אל דיו קה טה מנדה פרנסה בואנה". "בואנו ממה" דישו ג'וחה " טן קונפייסה אן מי קה לוס וה ונדר". קמיננדו אסטה ג'וחה אן לאס קאלז'אס, גריטנדו : "רופס, ויסטידוס"... מה לה ג'נטה נו מטן טינו אה און ג'וחה !... סאליינדו דל סיודאד וידו ג'וחה און קאמפו יינו דה פלורס אי רוזאס, סה אסרקו ג'וחה, דיזיינדו אה לס רוזאס: "שלום, יו ונדו ויסיטידוס, סי אלגונו קרה קוזה קה מנייאה לה קוואסה". לס רוזאס, אן אל איירה, מניידון לה 'קאווסה' לו רספונדרון: " סי, סי". סה אלגרו ג'וחה פנסנדו "מירה קה ג'נטורייה, וה ונדר אקי טודה לה סחורה". אל אונו אסטה דנדו- פנטלון, אל אוטרו - קמיזה, פין קה נו קדו ני אונה קאלסה אן לה ואליצ'ה. "אגורה", דישו ג'וחה - "קומו באס פאגאר?, סי קרש מה בו טורנר דמניאינה טומר לאס פאראס", לאס רוזאס (אן אל איירה) רספונדרון: " סי, סי". "אלווארמוס" דישו ג'וחה-"אי קה נו טה אולוידש, דמאניינה בו ויניר". טורנו ג'וחה אה סו מאדרה דיזיינדו: "ממה, יה איזה און אצ'ו בואנו, טודה לה סחורה לה ונדי, אי לאס פאראס וה טומר אמנייאנה" . "בואן אצ'ו איזיטס מי איז'ו " דישו לה מאדרה. אה לה מאניינה טומו ג'וחה סו ואליצ'ה קוריינדו אל קאמפו, קואנדו אריוו, נו אוויה ני און סופלה דה איירה, ג'וחה - גריטנדו : " שלום אה טודוס, לאס פאראס אס קה ויני טומר" .... סילנסייה!!!. " נו מה אואיטס", טורנו, "אס לאס פאראס קה ויני טומר"..... סה איניירוו ג'וחה " לוס ויסטידוס טומטס , דה מה לאס פאראס לאדרונס....." מה לאס רוזאס סין איירה נונקה סה מנייאן !!! " יו טה בו אמבאזר לאדרונס, קואלו אס טומר סין פאגאר גריטו". אי קון סו בירה טומו אונה טיז'רה גראנדה אי קורטו לאס רוזאס טודס , מטנדו סוס 'קאווזאס' אן לה ואליצ'ה!!! טורננדו אה קאזה אווריו ג'וחה לה פוארטה : " ממה, מירה קה נגרה ג'נטה, לוס ויסטידוס טומרון אמה פאגאר נו קרן!!, אמ יו נו סו בובו, לאס קאווזאס דה טודוס לוס קורטי, אקי אן לה ואליצ'ה לוס מטי, מירה ממה", אי אן אסטו אוריו לה ואליצ'ה....... "ג'וחה בובו", סה ריו לה מאדרה – פנסאנדו: "ארוולה טוארטו, נונקה סה אנדרצ'ה". אסקריבידו קומו קונטו מי נונה – שרה חלפון, נאסידה דה איסטנבול.
קונסז'ה דה ג'וחה לה מאדרה דה ג'וחה פנסו פור סו איז'ו : , קה וה אזר קון אסטה בובו?" טומו אונה ואליצ'ה קון ויסטידוס וייז'וס אי לה דיו אן סו מאנו דיזיינדו : "ואטה א לוס קאמפוס, ונדה אי מרקה .. אי אל דיו קה טה מנדה פרנסה בואנה". "בואנו ממה" דישו ג'וחה " טן קונפייסה אן מי קה לוס וה ונדר". קמיננדו אסטה ג'וחה אן לאס קאלז'אס, גריטנדו : "רופס, ויסטידוס"... מה לה ג'נטה נו מטן טינו אה און ג'וחה !... סאליינדו דל סיודאד וידו ג'וחה און קאמפו יינו דה פלורס אי רוזאס, סה אסרקו ג'וחה, דיזיינדו אה לס רוזאס: "שלום, יו ונדו ויסיטידוס, סי אלגונו קרה קוזה קה מנייאה לה קוואסה". לס רוזאס, אן אל איירה, מניידון לה 'קאווסה' לו רספונדרון: " סי, סי". סה אלגרו ג'וחה פנסנדו "מירה קה ג'נטורייה, וה ונדר אקי טודה לה סחורה". אל אונו אסטה דנדו- פנטלון, אל אוטרו - קמיזה, פין קה נו קדו ני אונה קאלסה אן לה ואליצ'ה. "אגורה", דישו ג'וחה - "קומו באס פאגאר?, סי קרש מה בו טורנר דמניאינה טומר לאס פאראס", לאס רוזאס (אן אל איירה) רספונדרון: " סי, סי". "אלווארמוס" דישו ג'וחה-"אי קה נו טה אולוידש, דמאניינה בו ויניר". טורנו ג'וחה אה סו מאדרה דיזיינדו: "ממה, יה איזה און אצ'ו בואנו, טודה לה סחורה לה ונדי, אי לאס פאראס וה טומר אמנייאנה" . "בואן אצ'ו איזיטס מי איז'ו " דישו לה מאדרה. אה לה מאניינה טומו ג'וחה סו ואליצ'ה קוריינדו אל קאמפו, קואנדו אריוו, נו אוויה ני און סופלה דה איירה, ג'וחה - גריטנדו : " שלום אה טודוס, לאס פאראס אס קה ויני טומר" .... סילנסייה!!!. " נו מה אואיטס", טורנו, "אס לאס פאראס קה ויני טומר"..... סה איניירוו ג'וחה " לוס ויסטידוס טומטס , דה מה לאס פאראס לאדרונס....." מה לאס רוזאס סין איירה נונקה סה מנייאן !!! " יו טה בו אמבאזר לאדרונס, קואלו אס טומר סין פאגאר גריטו". אי קון סו בירה טומו אונה טיז'רה גראנדה אי קורטו לאס רוזאס טודס , מטנדו סוס 'קאווזאס' אן לה ואליצ'ה!!! טורננדו אה קאזה אווריו ג'וחה לה פוארטה : " ממה, מירה קה נגרה ג'נטה, לוס ויסטידוס טומרון אמה פאגאר נו קרן!!, אמ יו נו סו בובו, לאס קאווזאס דה טודוס לוס קורטי, אקי אן לה ואליצ'ה לוס מטי, מירה ממה", אי אן אסטו אוריו לה ואליצ'ה....... "ג'וחה בובו", סה ריו לה מאדרה – פנסאנדו: "ארוולה טוארטו, נונקה סה אנדרצ'ה". אסקריבידו קומו קונטו מי נונה – שרה חלפון, נאסידה דה איסטנבול.
