צרציל
אן אסטאס באראקאס מוראבאן טאן ביין אונה פמיה פלז'ונרוס. שומר נפשו ירחק מהם. מדיה דה סו קאזה דה אסטה פאמיה אסטאבה אינטראדה אדיינטרו דה אונה פויה (בור) פור אנטראר אדיינטרו דל קורטיז'ו דביאס אבאשאר 5 או 6 אסקאלונס.דה לה קאלז'ה סה ביה סולו איל טיז'אדו. קיין קה סה אבוקאבה אב'ר לו קה סה טופה אדיינטרו דה אסטה פויה. סה אנקונטראבה קון אונאס מיראדס איל דיו קה מוס גוארדה. סאליה לה מוז'ר דה קאזה אי אמפסאבה אמנטאר קומו אונה לוקה. מלוגרדוס גורסוס'ס איל דיו קה ב'וס מאטה. פרוס בוב'וס באסטאדרוס. איז'ום דה קרחאנאדזיס. נו טינש קה אז'ר. אי דספואס טומאבה אגואה סוזיה דה לה קולאדה אי אצאבה אנדריבה דה לוס קה טניאן אוזאדיה דה סרקאר סה. טינייה בוקה סוזיה אי קואנדו לה אבריה סה לביאן לוס דיינטס פודרידוס. קיירו דיזיר איל קוסור דה דיינטס קה לה קדארון. און איזו דה אייה.נו סה קואנטוס טיניאה דה הלכה אסטה הלכה אי פואדה סר מאס. סה יאמאבה צרציל. מי מאדרה דיזיאה קה לו יאמארון צרציל פור קה קואנדו נאסיו אסמז'אבה אה צרציל. לה ברדאד לה לוס קה לארלומברה. אונדה צרציל איל אינגלס אי אונדה נואסטרו צרציל. אסטה צרציל נואסטרו מוקוזו, סיימפרה מוקוס ב'דרס סאלן דה לה נאריס אבאשאנדו אבאשו אנטרה לוס מושוס. דה ב'ס אין קואנדו פור נו ג'אסטר איל פאסטו חס ושלום מנדבה סו לינגואה אי סה צופאבה סוס מוקוס. דה לה אסכולה לו אצ'ארון דה קה? דישיירון קה אס טוקמאק אי נו איי חאיר דה אסטה יצור. אנטרה לוס אניוס סה אפגו קון אונוס מנסב'וס דה לה שכונה. סה מיטיאן ארובאר אי אז'ר דאניוס. און דיה לו בידה קון אראבה בינדיאנדו קארפוז'ס, קה צרציל מאלגרו דה ב'ר טה אזיינדו קוזאס קון פרובצו. אבריו לה בוקה קה פרובצו? לוס דיינטס אסימזאבן קומו לוס טינייה סו מאדרה. נו מה אמברולייס לה קאבסה.קיירס מרקאר קרפוס מרקה נו טנגו טיימפו פור אז'ר מואבט. פור נו אניירבאר לו מונצו מרקי דוס קארפוסס. און דיה מאפרו מי קוניידו אין דיזיינדו. סאב'ס קה צרציל סה איזו דוקטור. מה אתה צוחק עלי. נו נו יה סה מטה אינז'יקסיון דה סי פארה סי. קה קרה דיזיר קוניידו. אה נו סאב'ס סוביו אסקאלון. קומו? אנטאס טמאבה חשיש אי אגורה סה מ'טה הרואין. אי קוקאין. דה 30 אניוס קיו אונה נוצ'ה אין לה פונטה דה לה קאלז'ה. לה ג'נטה קה פאסארון אין לה מדרוגאדה לו טופארון סין איירה. איל פוארפו דסחאצאדו אי קון בבאס דה לה בוקה. אי יה אסטאבה יילאדו נו פודיאן אנדרצאר לו. אגה קה נו ארה דה מיס אמיגוס מה טומי סכורה דה סינטיר אסטה חאבר.
אן אסטאס באראקאס מוראבאן טאן ביין אונה פמיה פלז'ונרוס. שומר נפשו ירחק מהם. מדיה דה סו קאזה דה אסטה פאמיה אסטאבה אינטראדה אדיינטרו דה אונה פויה (בור) פור אנטראר אדיינטרו דל קורטיז'ו דביאס אבאשאר 5 או 6 אסקאלונס.דה לה קאלז'ה סה ביה סולו איל טיז'אדו. קיין קה סה אבוקאבה אב'ר לו קה סה טופה אדיינטרו דה אסטה פויה. סה אנקונטראבה קון אונאס מיראדס איל דיו קה מוס גוארדה. סאליה לה מוז'ר דה קאזה אי אמפסאבה אמנטאר קומו אונה לוקה. מלוגרדוס גורסוס'ס איל דיו קה ב'וס מאטה. פרוס בוב'וס באסטאדרוס. איז'ום דה קרחאנאדזיס. נו טינש קה אז'ר. אי דספואס טומאבה אגואה סוזיה דה לה קולאדה אי אצאבה אנדריבה דה לוס קה טניאן אוזאדיה דה סרקאר סה. טינייה בוקה סוזיה אי קואנדו לה אבריה סה לביאן לוס דיינטס פודרידוס. קיירו דיזיר איל קוסור דה דיינטס קה לה קדארון. און איזו דה אייה.נו סה קואנטוס טיניאה דה הלכה אסטה הלכה אי פואדה סר מאס. סה יאמאבה צרציל. מי מאדרה דיזיאה קה לו יאמארון צרציל פור קה קואנדו נאסיו אסמז'אבה אה צרציל. לה ברדאד לה לוס קה לארלומברה. אונדה צרציל איל אינגלס אי אונדה נואסטרו צרציל. אסטה צרציל נואסטרו מוקוזו, סיימפרה מוקוס ב'דרס סאלן דה לה נאריס אבאשאנדו אבאשו אנטרה לוס מושוס. דה ב'ס אין קואנדו פור נו ג'אסטר איל פאסטו חס ושלום מנדבה סו לינגואה אי סה צופאבה סוס מוקוס. דה לה אסכולה לו אצ'ארון דה קה? דישיירון קה אס טוקמאק אי נו איי חאיר דה אסטה יצור. אנטרה לוס אניוס סה אפגו קון אונוס מנסב'וס דה לה שכונה. סה מיטיאן ארובאר אי אז'ר דאניוס. און דיה לו בידה קון אראבה בינדיאנדו קארפוז'ס, קה צרציל מאלגרו דה ב'ר טה אזיינדו קוזאס קון פרובצו. אבריו לה בוקה קה פרובצו? לוס דיינטס אסימזאבן קומו לוס טינייה סו מאדרה. נו מה אמברולייס לה קאבסה.קיירס מרקאר קרפוס מרקה נו טנגו טיימפו פור אז'ר מואבט. פור נו אניירבאר לו מונצו מרקי דוס קארפוסס. און דיה מאפרו מי קוניידו אין דיזיינדו. סאב'ס קה צרציל סה איזו דוקטור. מה אתה צוחק עלי. נו נו יה סה מטה אינז'יקסיון דה סי פארה סי. קה קרה דיזיר קוניידו. אה נו סאב'ס סוביו אסקאלון. קומו? אנטאס טמאבה חשיש אי אגורה סה מ'טה הרואין. אי קוקאין. דה 30 אניוס קיו אונה נוצ'ה אין לה פונטה דה לה קאלז'ה. לה ג'נטה קה פאסארון אין לה מדרוגאדה לו טופארון סין איירה. איל פוארפו דסחאצאדו אי קון בבאס דה לה בוקה. אי יה אסטאבה יילאדו נו פודיאן אנדרצאר לו. אגה קה נו ארה דה מיס אמיגוס מה טומי סכורה דה סינטיר אסטה חאבר.