מי פאמיליה
יו ווסטרו קומפאניירו יו מיזמו "חאלקום" נאסי דאטראס דה דוס בוצוקאס קה סה מוריארון סרקה דה נאסר.אי דספואס נאסיו מי ארמאניקה סיליה אין גן עדן אסטרה. דה 3 מז'ס סוביו מי פאמיליה אה לה פלשתינה. מי פאדרה דיזיאה קה סאלוניקי סה טרוקו סו פאצ'ה פור קה סה אינצ'ו יינוס דה פרוספיגס גרגוס. סה מיטיו און אנטסימיטיסמו אי נו טופו מאס חאיר ביב'יר אין אסטה סיבדה. אה דה מאס קה סו ארמאנו יצחק סוביו אה לה פלשתינה אי אבריו פורנו אפורנאר פאנ'ס. 3 אניוס אין לה פלשתינה אי בינו אל מונדו מי ארמנה קלארה ביב'ה קה אסטה. אוטרוס 4 אניוס פאסארון אי נאסיו מי ארמאנו יעקוביקו.אה יעקוביקו נו רלומברו איל מזל. נו פאסו און אניו אי לה קריאטוריקה דיו סו אלמה פור אל בורא עולם. מי מאדרה יה נו קיז'ו מאס פאריר, טינייה ראזון נו איי קה אבלאר. איל אניו 1940 יה פאסו איל מדיו פריודו אי נס דל סיילו נאסיו ווסטרו חאלקום. (פור אמברוליאר ב'וס לה קאב'סה) מי מאדרה נו מיקיז'ו אל אמפסיזו. דאטראס לו קה פאסו יה לה אבאסטו.2 איז'אס ביבאס אי סאנאס. אמה לה וידה דב'ה קונטונאר. אמפסו און ויכוח אנטרה מי מאדרה אי סו ארמאנו מי טיו חיים אסאו אין גן עדן אסטרה. מי טיו דיזה קה איל נומברה מיו דב'ה סר יצחק קה אס איל נומברה דה סו פאדרה. מי מאדרה פור אינטרס'ס קה נו אס איל לוגאר דיזיר לוס, נו קיז'ו. מי מאדרה קה אסטאבה מושפעת דה לה פרסונאז'ה דה תאודור. דיצ'ידיו יאמר מה הרצל. סאליו און פלייטו גראנדה אנטרה מי מאדרה אי סו ארמאנו. אין פין קה סה סקאפארון לאס קשאס דה טודאס לאס פארטס. מיאמארון יצחק הרצל. קיסאה. אנטרה איל טיימפו קאיו איל יצחק אי קדי קון הרצל. קואנדו מטופאב'ה אה לה קאזה דה מי טיו, מיאמאבאן יצחק. אינקאזה מיאמאבן פאשה. אמה יו ארה לונג'ה דה סר פאשה. פור מודו קה ארה איז'ו רג'אלאדו מה איזה אניירבוזו אי פילז'ון גראנדה. אסטה קה און דיה קיטי, פור מי ב'ידה נו מאחסוס, איל אוז'ו דה און איז'יקו קה מוראבה נו לונג'ה דה מי קאזה. קומפאניירוס, לה קונטוניאסון אל פוטורו.
יו ווסטרו קומפאניירו יו מיזמו "חאלקום" נאסי דאטראס דה דוס בוצוקאס קה סה מוריארון סרקה דה נאסר.אי דספואס נאסיו מי ארמאניקה סיליה אין גן עדן אסטרה. דה 3 מז'ס סוביו מי פאמיליה אה לה פלשתינה. מי פאדרה דיזיאה קה סאלוניקי סה טרוקו סו פאצ'ה פור קה סה אינצ'ו יינוס דה פרוספיגס גרגוס. סה מיטיו און אנטסימיטיסמו אי נו טופו מאס חאיר ביב'יר אין אסטה סיבדה. אה דה מאס קה סו ארמאנו יצחק סוביו אה לה פלשתינה אי אבריו פורנו אפורנאר פאנ'ס. 3 אניוס אין לה פלשתינה אי בינו אל מונדו מי ארמנה קלארה ביב'ה קה אסטה. אוטרוס 4 אניוס פאסארון אי נאסיו מי ארמאנו יעקוביקו.אה יעקוביקו נו רלומברו איל מזל. נו פאסו און אניו אי לה קריאטוריקה דיו סו אלמה פור אל בורא עולם. מי מאדרה יה נו קיז'ו מאס פאריר, טינייה ראזון נו איי קה אבלאר. איל אניו 1940 יה פאסו איל מדיו פריודו אי נס דל סיילו נאסיו ווסטרו חאלקום. (פור אמברוליאר ב'וס לה קאב'סה) מי מאדרה נו מיקיז'ו אל אמפסיזו. דאטראס לו קה פאסו יה לה אבאסטו.2 איז'אס ביבאס אי סאנאס. אמה לה וידה דב'ה קונטונאר. אמפסו און ויכוח אנטרה מי מאדרה אי סו ארמאנו מי טיו חיים אסאו אין גן עדן אסטרה. מי טיו דיזה קה איל נומברה מיו דב'ה סר יצחק קה אס איל נומברה דה סו פאדרה. מי מאדרה פור אינטרס'ס קה נו אס איל לוגאר דיזיר לוס, נו קיז'ו. מי מאדרה קה אסטאבה מושפעת דה לה פרסונאז'ה דה תאודור. דיצ'ידיו יאמר מה הרצל. סאליו און פלייטו גראנדה אנטרה מי מאדרה אי סו ארמאנו. אין פין קה סה סקאפארון לאס קשאס דה טודאס לאס פארטס. מיאמארון יצחק הרצל. קיסאה. אנטרה איל טיימפו קאיו איל יצחק אי קדי קון הרצל. קואנדו מטופאב'ה אה לה קאזה דה מי טיו, מיאמאבאן יצחק. אינקאזה מיאמאבן פאשה. אמה יו ארה לונג'ה דה סר פאשה. פור מודו קה ארה איז'ו רג'אלאדו מה איזה אניירבוזו אי פילז'ון גראנדה. אסטה קה און דיה קיטי, פור מי ב'ידה נו מאחסוס, איל אוז'ו דה און איז'יקו קה מוראבה נו לונג'ה דה מי קאזה. קומפאניירוס, לה קונטוניאסון אל פוטורו.