חג שמח א'טודוס
חג חנוכה שמח פרה טודוס. נו איי מיז'ור דה אסטוס דיאס דה פיאסטה. דיאס דה לוס, אי ניסים קה פאסארון מואסטרוס פאדרס. טורנאר אה אסטה פורום קון איל נומברה סגונדו מיו. פור קה דיצ'די נו אסקריביר מאס. מה אן אסטוס 6 מיז'אס קה פאסארון, מ'אסטו אנפורסאנדו אי טורנאנדו אין לה ליי דה מואסטרוס פאדר'ס. לה ברדאד קי מונצ'ה דה מי קונפיאנסיאה קה טניאה אין לוס מימברוס דל קיבוץ יה לה פיידרי. קומו דיזה איל פסוק "אל תבטחו בנדיבים. בבן אדם שאין לו תשועה: תצא רוחו ישוב לאדמתו. ביום ההוא אבדו עשתונותיו....." אי יו פנסאבה קה און דיאה ב'ה ב'יניר אי יו אי מי מוז'ר ב'אמוס ארנקאר לאס פרוטאס דה מאס דה 40 אניוס קה לאזדרימוס אין איל קיבוץ אוראס אולבידאדאס. מה אזה מאל פנסאר לו קה אסטאמוס פאסאנדו. פור מודו דה אסטו מה אז'ה בואנו אה מי אלמה אז'ר לאס אוראסיונס שחרית מנחה אי ערבית קומו אזיה אסטה קה ב'ינה אל קיבוץ. אין לה שכונת שפירא ד'אונדה ב'ינימוס לו מאס דה סלניקליס (סלוניקאים) אראן מסורתיים אה לו מנוס. להוציא אסטוס פוקוס קה טורנארון דה האושויץ. מה אז'ה צער קה נו טנגו "קהילה" אי נו איי קאל (בית כנסת) אין אסטה ישוב קה ב'יבו.אין ב'יזאס טופו אוקאזיון קואנדו מה טופו אנדה מי איז'ו קה ב'יבה אין אילת האי טופי און קאל דה מרוקאנוס סרקה דה סו קאזה. אי מ'ארסיב'ן קומו און ארמנו. אסטה קאדה ב'ס מדאן סוביר אה לה תורה אין לוס דיאס קה קיטאמוס לוס ספרי תורה. אי קאנטו קומו קאנטאבאן לוס סלניקליס. אי סאלה קה אס מוי סמז'אנטה קומו האיוס. מאלגרו קומו אונה קריאטורה, קואנדו טורנו אה מי לוגאר אי דה קאדה פארטה מה בינדיצ'אן "חזק ברוך"
חג חנוכה שמח פרה טודוס. נו איי מיז'ור דה אסטוס דיאס דה פיאסטה. דיאס דה לוס, אי ניסים קה פאסארון מואסטרוס פאדרס. טורנאר אה אסטה פורום קון איל נומברה סגונדו מיו. פור קה דיצ'די נו אסקריביר מאס. מה אן אסטוס 6 מיז'אס קה פאסארון, מ'אסטו אנפורסאנדו אי טורנאנדו אין לה ליי דה מואסטרוס פאדר'ס. לה ברדאד קי מונצ'ה דה מי קונפיאנסיאה קה טניאה אין לוס מימברוס דל קיבוץ יה לה פיידרי. קומו דיזה איל פסוק "אל תבטחו בנדיבים. בבן אדם שאין לו תשועה: תצא רוחו ישוב לאדמתו. ביום ההוא אבדו עשתונותיו....." אי יו פנסאבה קה און דיאה ב'ה ב'יניר אי יו אי מי מוז'ר ב'אמוס ארנקאר לאס פרוטאס דה מאס דה 40 אניוס קה לאזדרימוס אין איל קיבוץ אוראס אולבידאדאס. מה אזה מאל פנסאר לו קה אסטאמוס פאסאנדו. פור מודו דה אסטו מה אז'ה בואנו אה מי אלמה אז'ר לאס אוראסיונס שחרית מנחה אי ערבית קומו אזיה אסטה קה ב'ינה אל קיבוץ. אין לה שכונת שפירא ד'אונדה ב'ינימוס לו מאס דה סלניקליס (סלוניקאים) אראן מסורתיים אה לו מנוס. להוציא אסטוס פוקוס קה טורנארון דה האושויץ. מה אז'ה צער קה נו טנגו "קהילה" אי נו איי קאל (בית כנסת) אין אסטה ישוב קה ב'יבו.אין ב'יזאס טופו אוקאזיון קואנדו מה טופו אנדה מי איז'ו קה ב'יבה אין אילת האי טופי און קאל דה מרוקאנוס סרקה דה סו קאזה. אי מ'ארסיב'ן קומו און ארמנו. אסטה קאדה ב'ס מדאן סוביר אה לה תורה אין לוס דיאס קה קיטאמוס לוס ספרי תורה. אי קאנטו קומו קאנטאבאן לוס סלניקליס. אי סאלה קה אס מוי סמז'אנטה קומו האיוס. מאלגרו קומו אונה קריאטורה, קואנדו טורנו אה מי לוגאר אי דה קאדה פארטה מה בינדיצ'אן "חזק ברוך"
