טריאנדפילו
New member
דיאה דה אנב'ירנו.
שלום א דודוס. אוי מקדי אן קאזה. ללוב'יה אי לאומידה אי אל פ'ריאו מקונב'יסיירון קה נו איי קה פ'אזר אחוארה. קון אסתה קלימה נו ב'ה אב'ר חייר דה נאדה. אי קון כיף מקונסולו דאלה קיינתורה דאל מזגן, לוס אקודראמיינתוס דאנב'ירנוס פאסאדוס סה אסתאן תורנאנדו. אי פואדה סר קה ב'וס ב'ה אנתרסר דה מלדאר לו קה מה אקונתיסיו. אן סאלוניק קייה מוצ'ה נייב'ה קאדה אניו. און דיאה מי ארמאנו קה תנייה קינזה או דיזאישש אניוס סליו א ג'וגאר קון סוס אמיגוס א לנייב'ה. אי קומו ססב'ה נו איי מיז'ור ג'וגו אן לנייב'ה דה ארוז'אר פילותאס דה נייב'ה אונו אל אותרו. אי לוס מאנסב'יקוס ג'וגאנדו אי גריתאנדו קומו ניניוס נו סה קונסיתיירון או נו מתיירון אל תינו א לוס קה אסתאב'אן פאסאנדו א לקאלז'ה. אן סופיתו, מי ארמאנו קוסינתייו קה און אומברה לו אנפ'רו דאל בראסו קון פ'וארסה. אל דישמישדו אבולתו לקארה אי קקה ב'ייה סי נו און ז'אנדארם? יא ספואדה אמאז'ינה קומו סה קונסיינתה און מאנסב'יקו קה לו אפ'רה ז'אנדארם אינדהמאס קה אס ג'ידיו.אל ז'אנדארם לה דישו "תו מאצ'אתיס לה פילותה אגורה תתומו אל א פוליסיה אי פיידרר תיימפו לו תומו קון אל אאון קה מי ארמאנו לדיזה קה נו אס אל קה לארונז'ו לפילותה. לוס אמיגוס דאל ספאנתו סה פ'ויירון קאדא אונו א סו קאזה סין דיזיר נאדה א מי מאדרה אי אפילו א סוס פאריינתס נו דיירון חאבר דה לו קה פסו. אנתרימינתיס יא סה פ'יזו סקורו אי אל פ'יז'ו נו אתורנה א קאזה אי מי מאדרה יא אנפסו דה אסתאר אן קוידאדו. נו פאסו מוצ'ו אסתה קה לסקורידאד נו דשו סאפ'ק א מי מאדרה קה לה סיתואסיון אסתה מאלה, אי אנפסו היאמארלו דאל בלקון מא לקאלז'ה אסתאב'ה ב'אזיה אי אנתראמנתה סקורה.סה לתומו לוס ניירב'וס אי להיסתריה אי אנפסו א יוראר אי דיזיר "קה ממוארה יו סי נו ב'יינה א קאזה,אי אל דיו קה מלוב'ואדרה אי קה סתופה פרסתו". אן פ'ין לוס ארמאנוס גראנדס סה חוארון אנדה לוס אמיגוס א דמאנדאר סה סאב'ן אלגונה קוזה. אמה אאוס דאל ספאנתו אי דה ב'רב'ואנסה נו דישרון לב'רדה. אסתה קה תורנארון פור סגונדה ב'ס פרגונתאר סי סינתיירון או ב'ירון אלגונה קוזה, אונו דאאוס קונתו לב'רדה. אל ארמאנו קה סינתיו אסתה נוב'ידאד קוריו אל פונתו א קאזה אי לדישו אמי מאדרה. אייה נו סב'יה קה פ'אזר דה תאנתוס ניירב'וס. מה אל מאס גראנדה ארמאנו סה חואה א לגרותה אי לקונתו א מי פאדרה לו קה פאסה. פאפה אל פונתו יאמו אל טלפון און קוניסידו קה תנייה פרותקסיה א לפוליסיה. אי אל מזמו סה חואה א לסתאסיון דאל לפולסיה. לאורה יא פאסו לאס דייס דה לנוצ'ה קואנדו תורנארון א קאזה אי לוס יורוס דה מאמה סה אבולתארון א יורוס דה אלגריה. קואנתו סאר סה פודייה לחסוד סי תנייאמוס אקל תיימפו טלפון!
שלום א דודוס. אוי מקדי אן קאזה. ללוב'יה אי לאומידה אי אל פ'ריאו מקונב'יסיירון קה נו איי קה פ'אזר אחוארה. קון אסתה קלימה נו ב'ה אב'ר חייר דה נאדה. אי קון כיף מקונסולו דאלה קיינתורה דאל מזגן, לוס אקודראמיינתוס דאנב'ירנוס פאסאדוס סה אסתאן תורנאנדו. אי פואדה סר קה ב'וס ב'ה אנתרסר דה מלדאר לו קה מה אקונתיסיו. אן סאלוניק קייה מוצ'ה נייב'ה קאדה אניו. און דיאה מי ארמאנו קה תנייה קינזה או דיזאישש אניוס סליו א ג'וגאר קון סוס אמיגוס א לנייב'ה. אי קומו ססב'ה נו איי מיז'ור ג'וגו אן לנייב'ה דה ארוז'אר פילותאס דה נייב'ה אונו אל אותרו. אי לוס מאנסב'יקוס ג'וגאנדו אי גריתאנדו קומו ניניוס נו סה קונסיתיירון או נו מתיירון אל תינו א לוס קה אסתאב'אן פאסאנדו א לקאלז'ה. אן סופיתו, מי ארמאנו קוסינתייו קה און אומברה לו אנפ'רו דאל בראסו קון פ'וארסה. אל דישמישדו אבולתו לקארה אי קקה ב'ייה סי נו און ז'אנדארם? יא ספואדה אמאז'ינה קומו סה קונסיינתה און מאנסב'יקו קה לו אפ'רה ז'אנדארם אינדהמאס קה אס ג'ידיו.אל ז'אנדארם לה דישו "תו מאצ'אתיס לה פילותה אגורה תתומו אל א פוליסיה אי פיידרר תיימפו לו תומו קון אל אאון קה מי ארמאנו לדיזה קה נו אס אל קה לארונז'ו לפילותה. לוס אמיגוס דאל ספאנתו סה פ'ויירון קאדא אונו א סו קאזה סין דיזיר נאדה א מי מאדרה אי אפילו א סוס פאריינתס נו דיירון חאבר דה לו קה פסו. אנתרימינתיס יא סה פ'יזו סקורו אי אל פ'יז'ו נו אתורנה א קאזה אי מי מאדרה יא אנפסו דה אסתאר אן קוידאדו. נו פאסו מוצ'ו אסתה קה לסקורידאד נו דשו סאפ'ק א מי מאדרה קה לה סיתואסיון אסתה מאלה, אי אנפסו היאמארלו דאל בלקון מא לקאלז'ה אסתאב'ה ב'אזיה אי אנתראמנתה סקורה.סה לתומו לוס ניירב'וס אי להיסתריה אי אנפסו א יוראר אי דיזיר "קה ממוארה יו סי נו ב'יינה א קאזה,אי אל דיו קה מלוב'ואדרה אי קה סתופה פרסתו". אן פ'ין לוס ארמאנוס גראנדס סה חוארון אנדה לוס אמיגוס א דמאנדאר סה סאב'ן אלגונה קוזה. אמה אאוס דאל ספאנתו אי דה ב'רב'ואנסה נו דישרון לב'רדה. אסתה קה תורנארון פור סגונדה ב'ס פרגונתאר סי סינתיירון או ב'ירון אלגונה קוזה, אונו דאאוס קונתו לב'רדה. אל ארמאנו קה סינתיו אסתה נוב'ידאד קוריו אל פונתו א קאזה אי לדישו אמי מאדרה. אייה נו סב'יה קה פ'אזר דה תאנתוס ניירב'וס. מה אל מאס גראנדה ארמאנו סה חואה א לגרותה אי לקונתו א מי פאדרה לו קה פאסה. פאפה אל פונתו יאמו אל טלפון און קוניסידו קה תנייה פרותקסיה א לפוליסיה. אי אל מזמו סה חואה א לסתאסיון דאל לפולסיה. לאורה יא פאסו לאס דייס דה לנוצ'ה קואנדו תורנארון א קאזה אי לוס יורוס דה מאמה סה אבולתארון א יורוס דה אלגריה. קואנתו סאר סה פודייה לחסוד סי תנייאמוס אקל תיימפו טלפון!
