Sarika איס די מי מאדרה או לה טוייה?
איס די מי מאדרה או די לא טוייה (סאנה קי איסטה)קי קונטאטיס? אי איל גרופו די אמיגאס די מי מאדרה טינייאן און "ז'ור",אונה ב'יס אה לה סימאנה,קאדה אונה אה סו טורנו אינב'יטאב'ה אה לאס אוטראס. סולו קי לה ריסיפסיון ארה דוספויס די מידי.סי אספארטאב'אן אין קאריס(רביעיות)אי ג'וגב'ן קארטאס. קון איל קאפה סי סירב'ייא בוריקיטאס,בוייקוס, קרואסאניס ,פיטי פוריס.דיספואס, אה לה נוצ'ה, קואנדו ב'יניאן לוס מארידוס אמפיסאב'ה איל פראנסו. סי טראיב'ה אה לא מיזה לוס מיזיס,לאס סאלאטאס,לאס פיליקאס, פישקאדוס סאלאדוס קומו אבודאראחו, גאראטו, קוייאדוראס, טאראמא-קי ארה מי אצ'ו די פריפאררלה,אי סיגוראמינטי ראקי. אה פוקו, אה פוקו לאס בוזיס אי לאס ריזאס סי אזייאן מאס פ'וארטיס. אי מוזוס, ייו אי מי ארמאנו טיניימוס די אזיר לוס דיב'ואריס (שיעורים) אי דורמיר,קאדה אונו אין סו קאמאריטה.לוס איזוס נו סי ב'ייאן אין מידיו (הילדים לא נראו בסביבה). קומו דיזה לה קאנטיקה: היו זמנים,אותמ אני זוכרת...