ווער זאגט דא דיעות?
די גלות איז א הלכה`דיקע ווארט. די יידישע הלכה זאגט פינקטלעך ווען ס`הייבט זיך דאס גלות, און וועט ס`ענדיקט זיך. דער רמב``ם (דער איינציקער פוסק אין דעם) פסק`נט קלאהר אז די גלות ענדיקט זיך אין דער סעקונדע ווען משיח קומט, נישט א מינוט קודם. משיח, לויט וואס איך ווייס, איז נאך נישט געקומען. די ציונישע מדינה אין ארץ ישראל איז טאקע א נס געמאכט געווארען דורכן אייבערשטן ראטעווען יידן. דער אייבערשטער האט א סך רחמנות געהאט אויף זיינע קינדער, געבליבענערס פונעם אייראפישן פארברענטן חורבן, און אונדז געגעבן די מעגלעכקייט צו לעבן בארויקט דא אין ארץ הקודש, און אליין צו פירן אונדזערע לעבן. אבער צו זאגן אז ``מפני חטאינו גלינו מארצינו`` איז בטל געווארן, אז ס`איז נישטא אויף וואס צו וויינען אום תשעה באב, איז פשוט עם-הארץ`שקייט. און צו זאגן אז אזעלכע שנה ופירש`ניקעס, להכעיס`ניקעס, קרימינאלן קעגן יידישקייט און יודענטום אזוי ווי בן גוריון מיט זיינע חברה לצים, האבן געבראכט אונדזערע גאולה, איז ממש א געלעכטער.