00
עדכונים

מנוי במייל

קבלת עדכונים על רשומות חדשות ישירות לתיבת האמייל
יש להזין אימייל תקין על מנת להרשם לעדכונים
ברגעים אלו נשלח אליך אימייל לאישור/ביטול ההרשמה
*שים/י לב, מרגע עשית מנוי, כותב/ת הבלוג יוכל לראות את כתובת האמייל שלך ברשימת העוקבים.
X

מביאה ברכה נעשה ונצליח,,,,והשם עלינו ברחמיו ירויח

אין עוד מלבדו<<<< איה מקום כבודו

שהשם את כולכם יברך

תבחרו כל מזמור שתרצו

תהילים לרפואתו של שגיב סבי בן זהבה ושיעמוד על רגליו
 
תבחרו כל מזמור שתרצו, תתרמו 40 א"ג וקראו תהילים
 
 
 
שִׁיר, לַמַּעֲלוֹת: אֶשָּׂא עֵינַי, אֶל הֶהָרִים מֵאַיִן, יָבֹא עֶזְרִי.
ב  עֶזְרִי, מֵעִם יְהוָה   עֹשֵׂה, שָׁמַיִם וָאָרֶץ.
ג  אַל יִתֵּן לַמּוֹט רַגְלֶךָ;  אַל יָנוּם, שֹׁמְרֶךָ.
ד  הִנֵּה לֹא יָנוּם, וְלֹא יִישָׁן   שׁוֹמֵר, יִשְׂרָאֵל.
ה  יְהוָה שֹׁמְרֶךָ;  יְהוָה צִלְּךָ, עַל יַד יְמִינֶךָ.
ו  יוֹמָם, הַשֶּׁמֶשׁ לֹא יַכֶּכָּה;  וְיָרֵחַ בַּלָּיְלָה.
ז  יְהוָה, יִשְׁמָרְךָ מִכָּל רָע:  יִשְׁמֹר, אֶת נַפְשֶׁךָ.
ח  יְהוָה, יִשְׁמָר צֵאתְךָ וּבוֹאֶךָ   מֵעַתָּה, וְעַד עוֹלָם.
 
א  לְדָוִד:  בָּרוּךְ יְהוָה, צוּרִי הַמְלַמֵּד יָדַי לַקְרָב; אֶצְבְּעוֹתַי, לַמִּלְחָמָה.
ב  חַסְדִּי וּמְצוּדָתִי, מִשְׂגַּבִּי וּמְפַלְטִי לִי: מָגִנִּי, וּבוֹ חָסִיתִי;  הָרוֹדֵד עַמִּי תַחְתָּי.
ג  יְהוָה מָה אָדָם, וַתֵּדָעֵהוּ:  בֶּן אֱנוֹשׁ, וַתְּחַשְּׁבֵהוּ.
ד  אָדָם, לַהֶבֶל דָּמָה;  יָמָיו, כְּצֵל עוֹבֵר.
ה  יְהוָה, הַט שָׁמֶיךָ וְתֵרֵד;  גַּע בֶּהָרִים וְיֶעֱשָׁנוּ.
ו  בְּרוֹק בָּרָק, וּתְפִיצֵם;  שְׁלַח חִצֶּיךָ, וּתְהֻמֵּם.
ז  שְׁלַח יָדֶיךָ, מִמָּרוֹם:  פְּצֵנִי וְהַצִּילֵנִי, מִמַּיִם רַבִּים; מִיַּד, בְּנֵי נֵכָר.
ח  אֲשֶׁר פִּיהֶם, דִּבֶּר שָׁוְא;  וִימִינָם, יְמִין שָׁקֶר.
ט  אֱלֹהִים שִׁיר חָדָשׁ, אָשִׁירָה לָּךְ;  בְּנֵבֶל עָשׂוֹר, אֲזַמְּרָה לָּךְ.
י  הַנּוֹתֵן תְּשׁוּעָה, לַמְּלָכִים: הַפּוֹצֶה, אֶת דָּוִד עַבְדּוֹ מֵחֶרֶב רָעָה.
יא  פְּצֵנִי וְהַצִּילֵנִי, מִיַּד בְּנֵי נֵכָר: אֲשֶׁר פִּיהֶם, דִּבֶּר שָׁוְא;  וִימִינָם, יְמִין שָׁקֶר.
יב  אֲשֶׁר בָּנֵינוּ, כִּנְטִעִים מְגֻדָּלִים בִּנְעוּרֵיהֶם: בְּנוֹתֵינוּ כְזָוִיֹּת מְחֻטָּבוֹת, תַּבְנִית הֵיכָל.
יג  מְזָוֵינוּ מְלֵאִים מְפִיקִים מִזַּן, אֶל זַן: צֹאונֵנוּ מַאֲלִיפוֹת, מְרֻבָּבוֹת בְּחוּצוֹתֵינוּ.
יד  אַלּוּפֵינוּ, מְסֻבָּלִים:  אֵין פֶּרֶץ, וְאֵין יוֹצֵאת; וְאֵין צְוָחָה, בִּרְחֹבֹתֵינוּ.
טו  אַשְׁרֵי הָעָם, שֶׁכָּכָה לּוֹ:  אַשְׁרֵי הָעָם, שֱׁיְהוָה אֱלֹהָיו
 
 
א  הַלְלוּ יָהּ: שִׁירוּ לַיהוָה, שִׁיר חָדָשׁ;  תְּהִלָּתוֹ, בִּקְהַל חֲסִידִים.
ב  יִשְׂמַח יִשְׂרָאֵל בְּעֹשָׂיו;  בְּנֵי צִיּוֹן, יָגִילוּ בְמַלְכָּם.
ג  יְהַלְלוּ שְׁמוֹ בְמָחוֹל;  בְּתֹף וְכִנּוֹר, יְזַמְּרוּ לוֹ.
ד  כִּי רוֹצֶה יְהוָה בְּעַמּוֹ;  יְפָאֵר עֲנָוִים, בִּישׁוּעָה.
ה  יַעְלְזוּ חֲסִידִים בְּכָבוֹד;  יְרַנְּנוּ, עַל מִשְׁכְּבוֹתָם.
ו  רוֹמְמוֹת אֵל, בִּגְרוֹנָם;  וְחֶרֶב פִּיפִיּוֹת בְּיָדָם.
ז  לַעֲשׂוֹת נְקָמָה, בַּגּוֹיִם;  תּוֹכֵחוֹת, בַּלְאֻמִּים.
ח  לֶאְסֹר מַלְכֵיהֶם בְּזִקִּים;  וְנִכְבְּדֵיהֶם, בְּכַבְלֵי בַרְזֶל.
ט  לַעֲשׂוֹת בָּהֶם, מִשְׁפָּט כָּתוּב הָדָר הוּא, לְכָל חֲסִידָיו: הַלְלוּ יָהּ.
 
 
 
א  לְדָוִד:  בָּרוּךְ יְהוָה, צוּרִי הַמְלַמֵּד יָדַי לַקְרָב; אֶצְבְּעוֹתַי, לַמִּלְחָמָה.
ב  חַסְדִּי וּמְצוּדָתִי, מִשְׂגַּבִּי וּמְפַלְטִי לִי: מָגִנִּי, וּבוֹ חָסִיתִי;  הָרוֹדֵד עַמִּי תַחְתָּי.
ג  יְהוָה מָה אָדָם, וַתֵּדָעֵהוּ:  בֶּן אֱנוֹשׁ, וַתְּחַשְּׁבֵהוּ.
ד  אָדָם, לַהֶבֶל דָּמָה;  יָמָיו, כְּצֵל עוֹבֵר.
ה  יְהוָה, הַט שָׁמֶיךָ וְתֵרֵד;  גַּע בֶּהָרִים וְיֶעֱשָׁנוּ.
ו  בְּרוֹק בָּרָק, וּתְפִיצֵם;  שְׁלַח חִצֶּיךָ, וּתְהֻמֵּם.
ז  שְׁלַח יָדֶיךָ, מִמָּרוֹם:  פְּצֵנִי וְהַצִּילֵנִי, מִמַּיִם רַבִּים; מִיַּד, בְּנֵי נֵכָר.
ח  אֲשֶׁר פִּיהֶם, דִּבֶּר שָׁוְא;  וִימִינָם, יְמִין שָׁקֶר.
ט  אֱלֹהִים שִׁיר חָדָשׁ, אָשִׁירָה לָּךְ;  בְּנֵבֶל עָשׂוֹר, אֲזַמְּרָה לָּךְ.
י  הַנּוֹתֵן תְּשׁוּעָה, לַמְּלָכִים: הַפּוֹצֶה, אֶת דָּוִד עַבְדּוֹ מֵחֶרֶב רָעָה.
יא  פְּצֵנִי וְהַצִּילֵנִי, מִיַּד בְּנֵי נֵכָר: אֲשֶׁר פִּיהֶם, דִּבֶּר שָׁוְא;  וִימִינָם, יְמִין שָׁקֶר.
יב  אֲשֶׁר בָּנֵינוּ, כִּנְטִעִים מְגֻדָּלִים בִּנְעוּרֵיהֶם: בְּנוֹתֵינוּ כְזָוִיֹּת מְחֻטָּבוֹת, תַּבְנִית הֵיכָל.
יג  מְזָוֵינוּ מְלֵאִים מְפִיקִים מִזַּן, אֶל זַן: צֹאונֵנוּ מַאֲלִיפוֹת, מְרֻבָּבוֹת בְּחוּצוֹתֵינוּ.
יד  אַלּוּפֵינוּ, מְסֻבָּלִים:  אֵין פֶּרֶץ, וְאֵין יוֹצֵאת; וְאֵין צְוָחָה, בִּרְחֹבֹתֵינוּ.
טו  אַשְׁרֵי הָעָם, שֶׁכָּכָה לּוֹ:  אַשְׁרֵי הָעָם, שֱׁיְהוָה אֱלֹהָיו.
 
 
א  מִזְמוֹר שִׁיר, לְיוֹם הַשַּׁבָּת.
ב  טוֹב, לְהֹדוֹת לַיהוָה;  וּלְזַמֵּר לְשִׁמְךָ עֶלְיוֹן.
ג  לְהַגִּיד בַּבֹּקֶר חַסְדֶּךָ;  וֶאֱמוּנָתְךָ, בַּלֵּילוֹת.
ד  עֲלֵי עָשׂוֹר, וַעֲלֵי נָבֶל;  עֲלֵי הִגָּיוֹן בְּכִנּוֹר.
ה  כִּי שִׂמַּחְתַּנִי יְהוָה בְּפָעֳלֶךָ;  בְּמַעֲשֵׂי יָדֶיךָ אֲרַנֵּן.
ו  מַה גָּדְלוּ מַעֲשֶׂיךָ יְהוָה;  מְאֹד, עָמְקוּ מַחְשְׁבֹתֶיךָ.
ז  אִישׁ בַּעַר, לֹא יֵדָע;  וּכְסִיל, לֹא יָבִין אֶת זֹאת.
ח  בִּפְרֹחַ רְשָׁעִים, כְּמוֹ עֵשֶׂב, וַיָּצִיצוּ, כָּל פֹּעֲלֵי אָוֶן:  לְהִשָּׁמְדָם עֲדֵי עַד.
ט  וְאַתָּה מָרוֹם   לְעֹלָם יְהוָה.
י  כִּי הִנֵּה אֹיְבֶיךָ, יְהוָה כִּי הִנֵּה אֹיְבֶיךָ יֹאבֵדוּ: יִתְפָּרְדוּ, כָּל פֹּעֲלֵי אָוֶן.
יא  וַתָּרֶם כִּרְאֵים קַרְנִי;  בַּלֹּתִי, בְּשֶׁמֶן רַעֲנָן.
יב  וַתַּבֵּט עֵינִי, בְּשׁוּרָי: בַּקָּמִים עָלַי מְרֵעִים תִּשְׁמַעְנָה אָזְנָי.
יג  צַדִּיק, כַּתָּמָר יִפְרָח;  כְּאֶרֶז בַּלְּבָנוֹן יִשְׂגֶּה.
יד  שְׁתוּלִים, בְּבֵית יְהוָה;  בְּחַצְרוֹת אֱלֹהֵינוּ יַפְרִיחוּ.
טו  עוֹד, יְנוּבוּן בְּשֵׂיבָה;  דְּשֵׁנִים וְרַעֲנַנִּים יִהְיוּ.
טז  לְהַגִּיד, כִּי יָשָׁר יְהוָה;  צוּרִי, וְלֹא עלתה (עַוְלָתָה) בּוֹ.
 
 
 
          למי שהשתתקו אבריו
 
א  מַשְׂכִּיל, לְאֵיתָן הָאֶזְרָחִי.
ב  חַסְדֵי יְהוָה, עוֹלָם אָשִׁירָה;  לְדֹר וָדֹר, אוֹדִיעַ אֱמוּנָתְךָ בְּפִי.
ג  כִּי אָמַרְתִּי עוֹלָם, חֶסֶד יִבָּנֶה;  שָׁמַיִם, תָּכִן אֱמוּנָתְךָ בָהֶם.
ד  כָּרַתִּי בְרִית, לִבְחִירִי;  נִשְׁבַּעְתִּי, לְדָוִד עַבְדִּי.
ה  עַד עוֹלָם, אָכִין זַרְעֶךָ;  וּבָנִיתִי לְדֹר וָדוֹר כִּסְאֲךָ סֶלָה.
ו  וְיוֹדוּ שָׁמַיִם פִּלְאֲךָ יְהוָה;  אַף אֱמוּנָתְךָ, בִּקְהַל קְדֹשִׁים.
ז  כִּי מִי בַשַּׁחַק, יַעֲרֹךְ לַיהוָה;  יִדְמֶה לַיהוָה, בִּבְנֵי אֵלִים.
ח  אֵל נַעֲרָץ, בְּסוֹד קְדֹשִׁים רַבָּה;  וְנוֹרָא, עַל כָּל סְבִיבָיו.
ט  יְהוָה, אֱלֹהֵי צְבָאוֹת מִי כָמוֹךָ חֲסִין יָהּ;  וֶאֱמוּנָתְךָ, סְבִיבוֹתֶיךָ.
י  אַתָּה מוֹשֵׁל, בְּגֵאוּת הַיָּם;  בְּשׂוֹא גַלָּיו, אַתָּה תְשַׁבְּחֵם.
יא  אַתָּה דִכִּאתָ כֶחָלָל רָהַב;  בִּזְרוֹעַ עֻזְּךָ, פִּזַּרְתָּ אוֹיְבֶיךָ.
יב  לְךָ שָׁמַיִם, אַף לְךָ אָרֶץ;  תֵּבֵל וּמְלֹאָהּ, אַתָּה יְסַדְתָּם.
יג  צָפוֹן וְיָמִין, אַתָּה בְרָאתָם;  תָּבוֹר וְחֶרְמוֹן, בְּשִׁמְךָ יְרַנֵּנוּ.
יד  לְךָ זְרוֹעַ, עִם גְּבוּרָה;  תָּעֹז יָדְךָ, תָּרוּם יְמִינֶךָ.
טו  צֶדֶק וּמִשְׁפָּט, מְכוֹן כִּסְאֶךָ;  חֶסֶד וֶאֱמֶת, יְקַדְּמוּ פָנֶיךָ.
טז  אַשְׁרֵי הָעָם, יֹדְעֵי תְרוּעָה;  יְהוָה, בְּאוֹר פָּנֶיךָ יְהַלֵּכוּן.
יז  בְּשִׁמְךָ, יְגִילוּן כָּל הַיּוֹם;  וּבְצִדְקָתְךָ יָרוּמוּ.
יח  כִּי תִפְאֶרֶת עֻזָּמוֹ אָתָּה;  וּבִרְצוֹנְךָ, תרים (תָּרוּם) קַרְנֵינוּ.
יט  כִּי לַיהוָה, מָגִנֵּנוּ;  וְלִקְדוֹשׁ יִשְׂרָאֵל מַלְכֵּנוּ.
כ  אָז דִּבַּרְתָּ בְחָזוֹן, לַחֲסִידֶיךָ וַתֹּאמֶר, שִׁוִּיתִי עֵזֶר עַל גִּבּוֹר; הֲרִימוֹתִי בָחוּר מֵעָם.
כא  מָצָאתִי, דָּוִד עַבְדִּי;  בְּשֶׁמֶן קָדְשִׁי מְשַׁחְתִּיו.
כב  אֲשֶׁר יָדִי, תִּכּוֹן עִמּוֹ;  אַף זְרוֹעִי תְאַמְּצֶנּוּ.
כג  לֹא יַשִּׁיא אוֹיֵב בּוֹ;  וּבֶן עַוְלָה, לֹא יְעַנֶּנּוּ.
כד  וְכַתּוֹתִי מִפָּנָיו צָרָיו;  וּמְשַׂנְאָיו אֶגּוֹף.
כה  וֶאֱמוּנָתִי וְחַסְדִּי עִמּוֹ;  וּבִשְׁמִי, תָּרוּם קַרְנוֹ.
כו  וְשַׂמְתִּי בַיָּם יָדוֹ;  וּבַנְּהָרוֹת יְמִינוֹ.
כז  הוּא יִקְרָאֵנִי, אָבִי אָתָּה;  אֵלִי, וְצוּר יְשׁוּעָתִי.
כח  אַף אָנִי, בְּכוֹר אֶתְּנֵהוּ;  עֶלְיוֹן, לְמַלְכֵי אָרֶץ.
כט  לְעוֹלָם, אשמור  (אֶשְׁמָר ) לוֹ חַסְדִּי;  וּבְרִיתִי, נֶאֱמֶנֶת לוֹ.
ל  וְשַׂמְתִּי לָעַד זַרְעוֹ;  וְכִסְאוֹ, כִּימֵי שָׁמָיִם.
לא  אִם יַעַזְבוּ בָנָיו, תּוֹרָתִי;  וּבְמִשְׁפָּטַי, לֹא יֵלֵכוּן.
לב  אִם חֻקֹּתַי יְחַלֵּלוּ;  וּמִצְו‍ֹתַי, לֹא יִשְׁמֹרוּ.
לג  וּפָקַדְתִּי בְשֵׁבֶט פִּשְׁעָם;  וּבִנְגָעִים עֲו‍ֹנָם.
לד  וְחַסְדִּי, לֹא אָפִיר מֵעִמּוֹ;  וְלֹא אֲשַׁקֵּר, בֶּאֱמוּנָתִי.
לה  לֹא אֲחַלֵּל בְּרִיתִי;  וּמוֹצָא שְׂפָתַי, לֹא אֲשַׁנֶּה.
לו  אַחַת, נִשְׁבַּעְתִּי בְקָדְשִׁי:  אִם לְדָוִד אֲכַזֵּב.
לז  זַרְעוֹ, לְעוֹלָם יִהְיֶה;  וְכִסְאוֹ כַשֶּׁמֶשׁ נֶגְדִּי.
לח  כְּיָרֵחַ, יִכּוֹן עוֹלָם;  וְעֵד בַּשַּׁחַק, נֶאֱמָן סֶלָה.
לט  וְאַתָּה זָנַחְתָּ, וַתִּמְאָס;  הִתְעַבַּרְתָּ, עִם מְשִׁיחֶךָ.
מ  נֵאַרְתָּה, בְּרִית עַבְדֶּךָ;  חִלַּלְתָּ לָאָרֶץ נִזְרוֹ.
מא  פָּרַצְתָּ כָל גְּדֵרֹתָיו;  שַׂמְתָּ מִבְצָרָיו מְחִתָּה.
מב  שַׁסֻּהוּ, כָּל עֹבְרֵי דָרֶךְ;  הָיָה חֶרְפָּה, לִשְׁכֵנָיו.
מג  הֲרִימוֹתָ, יְמִין צָרָיו;  הִשְׂמַחְתָּ, כָּל אוֹיְבָיו.
מד  אַף תָּשִׁיב, צוּר חַרְבּוֹ;  וְלֹא הֲקֵימֹתוֹ, בַּמִּלְחָמָה.
מה  הִשְׁבַּתָּ מִטְּהָרוֹ;  וְכִסְאוֹ, לָאָרֶץ מִגַּרְתָּה.
מו  הִקְצַרְתָּ, יְמֵי עֲלוּמָיו;  הֶעֱטִיתָ עָלָיו בּוּשָׁה סֶלָה.
מז  עַד מָה יְהוָה, תִּסָּתֵר לָנֶצַח;  תִּבְעַר כְּמוֹ אֵשׁ חֲמָתֶךָ.
מח  זְכָר אֲנִי מֶה חָלֶד;  עַל מַה שָּׁוְא, בָּרָאתָ כָל בְּנֵי אָדָם.
מט  מִי גֶבֶר יִחְיֶה, וְלֹא יִרְאֶה מָּוֶת;  יְמַלֵּט נַפְשׁוֹ מִיַּד שְׁאוֹל סֶלָה.
נ  אַיֵּה, חֲסָדֶיךָ הָרִאשֹׁנִים אֲדֹנָי:  נִשְׁבַּעְתָּ לְדָוִד, בֶּאֱמוּנָתֶךָ.
נא  זְכֹר אֲדֹנָי, חֶרְפַּת עֲבָדֶיךָ;  שְׂאֵתִי בְחֵיקִי, כָּל רַבִּים עַמִּים.
נב  אֲשֶׁר חֵרְפוּ אוֹיְבֶיךָ יְהוָה:  אֲשֶׁר חֵרְפוּ, עִקְּבוֹת מְשִׁיחֶךָ.
נג  בָּרוּךְ יְהוָה לְעוֹלָם:  אָמֵן וְאָמֵן.
 
 
תודה לכם אני אוהבת אותכם,
 
אבא שבשמים אנחנו אוהבים אותך,
 
 

הוספת תגובה

נשארו 150 תוים
נשארו 1500 תוים

10 תגובות

קוד חופשי

בבוא המשיח בקרוב!

קורות חיים
מחפש/ת עבודה או הכנסה היכנסי ללינק הירשמי http://www.gotfriends.co.il/Users/MainPage.aspx
אתרי דת ויהדות
קישורים לאתרי דת
לרפואת חיים שגיב
© כל הזכויות לתוכן המופיע בדף זה שייכות ל מביאה ברכה אלא אם צויין אחרת